Qazir qylmyskerdiń ústinen QR Qylmystyq Kodekstiń 3 bólimi 106 tarmaǵy boıynsha is qozǵalyp, tergeý jumystary júrgizilip jatyr, dep habarlaıdy tumba.kz basylymy. Málimettiń qazaqsha nusqasyn «Qamshy» aqparattyq agenttigi oqyrman nazaryna usynady.

17 jastaǵy qyzdy jigiti uryp-soǵyp óltirgeni jaıly aqparat aldymen áleýmettik jelilerde taraǵan.

Mańǵystaýlyq turǵynnyń aıtýynsha, aýyr soqqydan kóz jumǵan boıjetken Aqtaý qalasyndaǵy Jarmysh aýylynda ápkesimen birge turady eken. Atalmysh oqıǵa oryn alǵanǵa deıin Aqyrys ápkesimen ursysyp qalyp, Saın-SHapaǵat aýylynda turatyn týysynyń úıine ketip qalǵan. Sol jerden týǵan toılaýǵa shyqqan kezinde jigiti alyp qashyp ketken. Keıinnen alyp qashqan jigiti Aqyrysty aıamaı soqqyǵa jyǵypty. Keıinnen qyzdy dereý aýrýhanaǵa jetkizip, aýyr soqqynyń saldarynan esin jımastan kóz jumdy.

Polısıa qyzmetkerleri boıjetkenge zorlyq kórsetýdiń saldarynan kóz jumǵandyǵyn rastady. Atalmysh oqıǵaǵa qatysty sotqa deıingi tergeý jumystary bastaldy.

«9 sáýir kúni 23:00 shamasynda 1996 jyldyń týmasy kámelet jasqa tolmaǵan 17 jastaǵy boıjetkendi aıaýsyz uryp-soqqan. Zardap shegýshini dereý oblystyq aýrýhanaǵan jetkizgenimen, ómirin saqtap qalý múmkin bolmady. Boıjetken aýyr soqqynyń saldarynan kóz jumdy», - dep málimdedi Mańǵystaý oblysynyń İİD baspasóz qyzmeti.