Bul týraly Óńirlik komýnıkasıalar qyzmetinde ótken brıfıńte Jambyl oblysy ákimdiginiń tilderdi damytý basqarmasynyń basshysy Ǵalıa Boranbaeva habarlady.

Basqarma basshysynyń sózine súıensek, aýdandar men Taraz qalasynan arnaıy alynǵan málimetke sáıkes búginde oblysta mán-maǵynasy eskirgen, qazirgi qoǵamǵa jat ataýlardyń jalpy sany – 842, onyń ishinde 800 kóshe, 5 aýyldyq okrýg, 13 eldi meken jáne 24 nysan qaıta ataýdy talap etedi. Sondaı-aq ataýsyz nysandar (73) men kóshe sany (89) – 162, rý ataýlarymen – 6, qaıtalanatyn kósheler sany – 135, tek aty nemese tegi ǵana jazylǵan beımálim tulǵalar esimimen atalǵan ataýlar sany – 82 ekendigi anyqtaldy dep habarlaıdy "Qamshy" aqparattyq agenttigi.

Aǵymdaǵy jyly oblystyq onomastıkalyq komısıasynyń kezekti otyrysynda 2 aýyldyq okrýg, 5 aýyl, 87 kósheni qaıta ataý boıynsha onomastıka komısıasynyń oń qorytyndysy qabyldandy. Iaǵnı 94 jańa ataýlar berildi.

Sonymen qatar aýdandar men Taraz qalasyndaǵy nysandar, kósheler (dańǵyl, tuıyq, burylys t.b.) jáne eldi meken ataýlaryn júıeleý, naqtylaý maqsatynda zańdy qujattaryna basqarma tarapynan zerdeleý jumystary  júrgizilip, nátıjesinde jalpy oblys boıynsha 148 aýyldyq okrýgtiń  135-de, 384 eldi mekenniń 295-de, 5394 kósheniń 1910-da jáne keıbir nysandardyń qujattary joq ekendigi anyqtaldy.

Atap aıtar bolsaq: Baızaq aýdanynda 18 – aýyldyq okrýg, 43 – eldi meken, 95 – kóshe, Jambylda 14 – aýyldyq okrýg, 26 – eldi meken, 211 – kóshe, Jýalyda 14 – aýyldyq okrýg, 31 – eldi meken, 102 – kóshe, Qordaıda 19 – aýyldyq okrýg, 42 – eldi meken, 170 – kóshe, Merkide 14 – aýyldyq okrýg, 41 – eldi meken, 50 – kóshe, Moıynqumda 14 – aýyldyq okrýg, 22 – eldi meken, 122 – kóshe, Sarysýda 9 – aýyldyq okrýg, 21 – eldi meken, 26 – kóshe, Talasta 13 – aýyldyq okrýg, 24 – eldi meken, 103 – kóshe, Shýda 18 – aýyldyq okrýg, 45 – eldi meken, 485 – kóshe, Taraz qalasynda 546 – kóshe jáne 2 nysannyń qujattary joq ekendigi anyqtalyp otyr, - dep ÓKQ- de ótken brıfıńte  Ǵalıa Bektenqyzy málimdedi.