Bul týraly Óńirlik komýnıkasıalar qyzmetinde ótken brıfıńte Jambyl oblysy ákimdiginiń tilderdi damytý basqarmasynyń basshysy Ǵalıa Boranbaeva baıandady dep habarlaıdy "Qamshy" aqparattyq agenttigi.

Spıkerdiń málimetinshe, memlekettik mekemelerdegi derektemeler tili, mekeme ataýy jazylǵan mańdaıshalar men kóshe ataýy jazylǵan anshlagtardyń úlgige sáıkes ázirlenip, ornalasýyna zerdeleý jumystary júrgizilip, ádistemelik kómek kórsetý barysynda aýqymdy jumystar atqarylýda.

Oblys boıynsha 1949 memlekettik nysan bar. 2016 jyly 1762 memlekettik mekemege zerdeleý jumystary júrgizilip, mekeme mańdaıshalarynyń 451-de QR Úkimetiniń №1371 Qaýly talaptary saqtalmaǵandyǵy anyqtalǵan. Mańdaıshalarda til normalarynyń buzylýy – orfografıalyq qateler, ataýlardyń transkrıpsıasynyń durys berilmeýi, t.b. sıaqty qateler oryn alady.

Memlekettik mekeme mańdaıshalary talapqa saı ázirlenbeı, atalǵan qatelikter oryn alýyna baılanysty onomastıka komısıasy otyrysynyń hattamalyq tapsyrmasyna sáıkes oblystaǵy memlekettik mekeme ataýy jazylǵan mańdaıshalar tapsyrys bermes buryn basqarmamen kelisý jumystary júrgizilýde. Nátıjesinde, búgingi kúnge deıin aýdandar boıynsha 355 mekeme mańdaıshasy basqarmamen kelisildi (transkrıpsıalary naqtylandy), 96 mańdaısha QR Úkimetiniń №1371 Qaýly talaptaryna sáıkes birizdendirilgendigi týraly habarlandy.

Degenmen oblystaǵy İshki İster organdaryna qarasty qalalyq jáne aýdandyq polısıa bólimderiniń mańdaıshalary syn kótermeıtin jaǵdaıda. Aldaǵy ýaqytta osy baǵytta jumys júrgizý basqarmanyń jumys josparynda bar, - dep sózin túıindedi Ǵalıa Bektenqyzy.