Búgin Pavlodar qalasynda qazaqtyń kórnekti jazýshysy, dramatýrg, pýblısıs, qazaq ádebıetin qalyptastyrýshylardyń biri Júsipbek Aımaýytovtyń eskertkishi ashylady. Bul týraly Baq.kz  oblys ákimdiginiń baspasóz qyzmetine silteme jasap habarlady. 

Ornatylýy tıis músinniń bıiktigi 3,6 metrdi quraıdy. Al tuǵyrymen birge bıiktigi - 7,6 metr. Júsipbek Aımaýytovtyń eskertkishi qoladan quıylǵan, tuǵyry qoıý qara tústi jyltyr granıtten soǵylǵan. Eskertkishtiń avtory - astanalyq músinshi Ermek Toqtarov. Merekelik shara aıasynda J.Aımaýytovtyń esimi berilgen oblystyq teatrda ǵylymı-praktıkalyq konferensıa uıymdastyrylady.  Jazýshy mereıtoıy Baıanaýyl aýdanynda da jalǵasyn tabady. «Ardaqty Alash azamaty» atty mýzykaly-ádebı kesh jáne ulttyq sport túrlerinen jarystar Baıanaýyl aýdany Moıyldy alqabynda ótedi. 

Bıyl Júsipbek Aımaýytovtyń 125 jyldyq mereıtoıy.  Ol Stalın jazalaý saıasatynyń eń alǵashqy qurbandarynyń biri bolyp, 1931 jyly atyldy.

Qamshy-aqparat