Reseı prezıdenti Vladımır Pýtın ýkraınalyq áriptesi Petr Poroshenkomen áńgimelesken kezinde óz armıasy eki kún ishinde Kıevti ǵana emes, Eýropanyń basqa da qalalaryn basyp alatynyn aıtqan. Bul týraly 18 qyrkúıek kúni nemistiń Süddeutsche Zeitung basylymy Poroshenko men Eýroodaq basshylarynyń áńgimesi jazylǵan jazbany negizge alyp habarlaǵan.

Eýropalyq syrtqy saıasat qyzmeti kelissózderiniń hattamasyna qaraǵanda, Ýkraına prezıdenti bul týraly Eýropalyq komısıa tóraǵasy Joze Manýel Barrozýǵa ótken juma kúni onyń Kıevke sapary barysynda aıtqan. Poroshenkonyń aıtýynsha, Pýtın oǵan sózbe-sóz: "Eger men qalasam, reseılik jasaqtar eki kún ishinde Kıevti ǵana emes, Rıgany, Vılnústi, Tallındi, Varshava men Býharesti de basyp alar edi", - degen.

Tengrinews.kz-tiń jazýynsha, Poroshenko Pýtınniń sózin Kreml basshysynyń Eýroodaqtyń Reseımen kórshiles elderge yqpalyna emosıalyq turǵydan qanshalyqty qarsy tura alatynyn kórsetý úshin keltirip otyr. 

Buǵan deıin Eýropada Joze Manýel Barrozý men Vladımır Pýtınniń telefon arqyly áńgimeleskeni kópshilikti eleń etkizgen edi. Pýtın ol kezde: "Men qalasam, Kıevti eki apta ishinde alar edim" degen-mis. Tamyz aıynyń sońynda Barrozý bul áńgimeniń mazmunyn Eýropa elderi jetekshileri men olardyń úkimet basshylaryna jarıa etti. Kreml Barrozýdy jeke áńgimeni kópshilikke jarıa qyldy dep aıyptady.

Qamshy-aqparat