Búgin, «TAŃ telearnasy» redaksıasynda Qasym Amanjol Ýkraına Respýblıkasyna barǵan jýrnalısik sapary týrasynda baspasóz konferensıasyn ótkizdi. Konferensıaǵa Ýkraına konsýly Boboshko Sergiı Oleksandrovıch de qatysty. Atalmysh arnanyń jańa basshylyǵy - Juldyz Káden, Armanjan Baıtasov sıaqty azamattar «TAŃ-dy» qoǵamdyq, eldik máselelerdi kóteretin telearnaǵa aınaldyrýdy maqsat etip otyr. Aldyǵa jańa mindetter qoıǵan telearnaǵa Qasym Amanjol arnaıy shaqyrylǵan. Osydan on jyl buryn «Qazaqstan» arnasynda kórsetilgen «Shynnyń júzi» baǵdarlamasymen qalyń jurtqa jaqsy tanys Qasym Amanjoldyń «TAŃ-ǵa» kelgendegi alǵashqy talaby - Ýkraınaǵa baryp, jýrnalısik zertteý júrgizý bolypty. «TAŃ» arnasynyń qoldaýymen Ýkraınaǵa attanǵan túsirý toby ATO(Antıterrorlyq operasıa) aımaǵynda, alǵy shepte bolǵan. Seperatısterden azat etilgen aımaqtardy aralap, Qyrym tatarlarynyń jaǵdaıyn kórgen jáne Qyrym qaıratkerlerimen kezdesken.
Qasym Amanjol óziniń Ýkraınaǵa barýǵa táýekel etýin - bir jylǵa jýyq ýaqyttan beri dúrbeleń bolyp jatqan Ýkraınadaǵy jaǵdaıdy memlekettik arnalarymyzdyń halyqqa óz tilshileri arqyly usyna almaýymen túsindiredi. «Kıevtegi «Maıdan» sátterinen, Qyrymdaǵy referendým men Ýkraınadaǵy sońǵy prezıdent saılaýynan, sondaı-aq seperatısterden zardap kórgen Ýkraına halqynyń turmysynan tilshi qosyndary, qymbat tehnıkalary bola tura, Qazaqstannyń memlekettik arnalary arnaıy habarlar jasap halyqqa usyna almady», - deıdi Qasym Amanjol. Ol memlekettik arnalardyń basshylyǵyn buǵa deıin birneshe ret Ýkraına týraly arnaıy jobalar, reportajdar jasaýǵa shaqyrǵan. «Alaıda halyqty táýelsiz derektermen aqparattandyra almaý bárimizdiń de jýrnalısik qyzmetimizge syn», - deıdi Ýkraınaǵa joly túsken jýrnalıs.
Qasym Amanjoldyń óz sózimen aıtqanda «daıyn asqa tik qasyq bolyp úırengen» qazaqstandyq jýrnalıserden ol alǵashqy bolyp, Ýkraına halqyn qazaq jýrnalısiniń kózimen kórip qaıtty. Qasym Amanjol ár bir ýkraındyqtyń belsendi patrıot ekenin, tipti onda patrıottyq kórinister sánge aınalǵanyn aıtady, Ýkraınadaǵy ár bir azamattyń otanǵa degen mahabbatyn joǵary baǵalaıdy. Bir aıta keterligi, Ýkraına qaıratkerleri Qyrymnyń Ýkraınadan bólinip ketýine ózderin aıypty sanaıdy jáne qorǵap qala almaǵany úshin ondaǵy Tatar halqynyń aldynda ózderin uıatty sezinedi eken. Degenmen, Ýkraına halqy Qazaqstan bıliginiń saıası jaǵdaıǵa «túsinistik» tanyta salǵanyna ókpeli, Otanynyń táýelsizdigine qol suǵylyp, jazyqsyz qany tógilgen, beıbit zamanda bosyp ketýge májbúr bolǵan halyqtyń jaǵdaıy kimdi de bolsa beıjaı qaldyrmasy anyq edi.
Ýkraınadaǵy jaǵdaı – qazaq jýrnalısiniń kózimen. Táýelsiz aqparat, tyń derek. Ýkraınadaǵy jaǵdaı týrly jasalǵan «Maıdan (Maıdannan maıdanǵa deıin (1-bólim), Qyrym (2-bólim))» atty reportajdyq fılm 1-2 qazan kúnderi "TAŃ" telearnasynan kórsetiledi. Avtory - Qasym Amanjol. Qapy qalmańyzdar, kórińizder.
Nurǵalı Nurtaı
