Búgin, 18 qyrkúıekte Shotlandıada Ulybrıtanıa birikken koróldigi quramynan shyǵý máselesine qatysty referendým ótedi. Onda turǵyndar «Shotlandıa táýelsiz el bolýy tıis dep sanaısyz ba?» degen jalǵyz saýalǵa jaýap beredi. Referendým qarsańynda qoǵamdyq pikirdi anyqtaý maqsatymen ótkizilgen saýalnama nátıjesi táýelsizdik alýdy jaqtaıtyndar men birikken koróldik quramynda qalýdy qoldaıtyndar sany tepe-teń ekendigin kórsetken. Sońǵy saýalnama kórsetkendeı, turǵyndardyń 52 paıyzy Shotlandıanyń Ulybrıtanıa quramynda qalǵanyn quptasa, 48 paıyzy táýelsizdikti jaqtaıtyndaryn bildirgen. Bul týraly Azattyq radıosy jazdy.

Shotlandıanyń birinshi mınıstri ári separatıstik Shotlandıa ulttyq partıasynyń jetekshisi Aleks Salmond bul referendýmdy «osy býyn ómirinde bir-aq ret bolatyn uly múmkindik» dep ataǵan. Shotlandıanyń daýys berýge quqyǵy bar 4 mıllıon 400 myń halqynyń 97 paıyzy saılaýshy retinde tirkelgen. Referendým nátıjesi 19 qyrkúıek kúni belgili bolmaq.

Qamshy-aqparat