Memlekettiń sektordyń jalpy qaryzy 36 mıllıard AQSH dollaryn quraıdy, dep habarlaıdy Finprom.kz basylymy. Málimettiń qazaqsha nusqasyn «Qamshy» aqparattyq agenttigi oqyrman nazaryna usynady.

Qytaı ınvestorlaryna Qazaqstan memlekettik sektorlarynyń 11% tıesili.

Memlekettik sektordyń syrtqy qaryzy QR jekemenshik sektorlar aýmaǵynannyń ósýinen eki ese jyldam ósýde.

2016 jyldyń qorytyndysy boıynsha, memlekettik qaryzdyń kólemi, 50% memlekettik bolyp tabylatyn mekemeler men bankterdiń qaryzy $35,8 mıllıardty quraıdy. Bul degenimiz bir jyl burynǵy qaryzben salystyrǵanda 10%-ǵa kóbeıgen.

Sonymen qatar, jekemenshik sektordyń syrtqy qaryzy 5%-ǵa ǵana ósken.

Memlekettik sektordyń syrtqy qaryzy 10%-ǵa óskenimen, 2014 jylǵy kórssetkishke jete almapty ($36,2 mıllıard).

Ótken jylda tikeleı qarjylandyratyn kredıtorlarǵa qaryz, ıaǵnı fırmaaralyq qaryzdar kólemi artqan bolatyn. 2016 jyly syrtqy qaryz sany úsh ese, ıaǵnı $2 mıllıardqa kóbeıgen.

Úkimet ótken jyldyń ishinde syrtqy mindettemelerdi $816 mıllıonǵa arttyrǵan, sonymen qatar uzaq merzimdi qaryz kólemi $822 mıllıonǵa artsa, qysqa merzimdi qaryz kólemi, kerisinshe, $6 mıllıonǵa qysqarǵan.

Koorporatıvti sektorlardyń (qarjylyq emes mekemeler, úı sharýashylyǵy jáne úı sharýashylyǵyn tekseretin ÚEU) sheteldik ınvestorlarǵa qaryzy $517 mıllıonǵa, ıaǵnı 4%-ǵa artqan.

Kerisinshe, ortalyq bank pen qarjy mekemeleri 2016 jyly úzilis jasap, ózderiniń ishki mindettemelerin qysqartqan. Osy oraıda, ortalyq bank qaryzy $143 mıllıonnan $36 mıllıonǵa deıin azaıǵan.

Aýdarǵan: Nazerke Labıhan