AQSH óz arsenalynda ıadrolyq emes orasan bombasyn Aýǵanstandaǵy DAISH pozısıasyna tastady. Bul týraly Pentagon málimdegen. Habardy «AQSH Aýǵanstanǵa «bomba ataýlynyń sheshesin tastady» dep taratty BBC-diń orys qyzmeti dál osylaı taqyryppen.

AQSH tastaǵan GBU-43 bombasy 9 metr uzyndyqta bolyp, 10 tonna salmaqqa ıe. GBU-43 2003 jyly alǵash ret synalǵan. Buǵan deıin soǵys sharttarynda eshqashan qoldanylmaǵan.  

Bomba Aýǵanstannyń Pákistan shekarasyna jaqyn aımaǵynda, Nangarhar provınsıasynyń Achın aýdanyndaǵy tyıym salynǵan ekstremıstik DAISH uıymy qoldanyp kelgen týnnel kompleksine tastalǵan.

Aýǵanstandaǵy AQSH áskeriniń qolbasshysy general Djon Nıkolson aıtýynsha, «bul soqqydan soń jıhadtyq  toptar aýyr shyǵynǵa ushyraıdy. Olar qoldan túrli jarylǵysh zattar jasap keledi. Býnkerler men týnelderge tyǵylǵan olar  endi pozısıalarynan qaıtatyn bolady».

BBC-diń áskerı-dıplomatıalyq sholýshysy Djonatan Markýstyń AQSH-tyń bul áreketi týraly tómendegideı saraptama jasaıdy: «Bul bombanyń ataýy qanshalyqty ebedeısiz bolsa da «barlyq bombalardyń sheshesi» ózin ataýynda-aq bildirip tur. Bul AQSH arsenalynyń ıadrolyq emes eń joıǵysh qarýy.

Zor ólshemdegi bul bomba GPS navıgasıalyq júıesimen basqarylady. Ony shamasy alǵash ret áskerı urysta synap kórdi.

Bombany AQSH arnaýly jasaǵyna arnalǵan MS-130 kóp túrli qoldanystaǵy áskerı-transporttyq Hercules ushaǵynyń bortynan tastaǵan.  Ol ushaq ishinde parashútpen bosatylyp jiberetindeı arnaýly bólikke ornalastyrylady.

Bomba asa keń radıýsta joıqyn jarylys jasaıdy. Bul Vetnam soǵysynda qoldanylǵan uqsas modelinen áldeqaıda jetildirilgen.  

Donald Tramp  ákimshiliginiń Aýǵanstan boıynsha strategıasy ázirge áli iske aspady.   GBU-43 bombasyn mysalǵa alsaq, bul AQSH-tyń ekstremıstik top DAISH-ke kesimdi jaýaby. Sondaı-aq uıym qaı jerde toptassa da AQSH-tyń basty nysanasy bolatynyn kórsetedi».

Sarapshynyń sózinshe, DAISH Aýǵanstannyń jergilikti bıliginen ózderi oılaǵandaı saıası qoldaý taba almady.

Túrli málimetterge súıensek, Aýǵanstanda neshe júzdegen, tipti nege myńdaǵan DAISH jasaqtary soǵysyp júr. Alaıda olar 2016 jyldan beri AQSH-tyń áýe shabýyldarynan aıtarlyqtaı shyǵynǵa ushyrap, qatary sıredi. 

Aýǵanstan terıtorıasyna tastalǵan bombany Tramp «óte sátti tapsyrma» dep ataǵan. Osydan keıin AQSH-tyń Áskerı-áýe kúshteri eń qýatty ıadrolyq emes GBU-43/B bombasyn 2003 jyly synaqtan ótkizgeni beınelgen vıdeony jarıalady.

U.S. Bombs, Destroys Khorasan Group Stronghold in Afghanistan https://t.co/oDhjzaLuUw pic.twitter.com/xOMsYD5grt

— U.S. Air Force (@usairforce) April 13, 2017