Tanymal telejýrnalıst Berik Ýálı telearnaǵa qaıta oraldy dep habarlaıdy Qamshy.kz
16 sáýirden bastap ár jeksenbi saıyn «Qazaqstan» Ulttyq telearnasynan «1 stýdıa» atty qoǵamdyq-saıası tok-shoý efırge shyǵady. Baǵdarlamany belgili telejýrnalıst, qoǵam belsendisi Berik Ýálı júrgizedi.
Jańa baǵdarlama tujyrymdamasyna saı, berilgen taqyrypty talqylaýǵa tórt spıker qatysady. Habar barysynda stýdıa qonaqtarynyń ishinen de máselege qatysty oı bildirgisi keletinderge sóz beriledi. Al, telekórermender efırdegi másele boıynsha daýys berýge qatysa alady.
«1 stýdıa» baǵdarlamasynyń alǵashqy habary jeksenbi 20:00-de efırge shyǵady.
Aıta ketsek, araǵa biraz jyldar salyp telearnaǵa qaıta oralǵaly otyrǵan saıası tok-shoý jasaýdyń sheberi, qazaq telejýrnalıstıkasynda ózindik qoltańbasy bar jýrnalıs Berik Ýálı qazir QR Investısıalar jáne damý mınıstriniń keńesshisi jáne Aqparattyq qamtamasyz etý departamentiniń dırektory qyzmetin atqaryp keledi. Endi ol memlekettik qyzmetimen qosa zańǵa saı telearnada tok-shoý júrgizbek.
