Búkilálemdik avtomobılden bas tartý kúnin atap ótý maqsatynda 22 qyrkúıek kúni Almatydaǵy metroda jol júrý aqysy 50 paıyzǵa arzandatylady. Bul jaıynda Almaty qalalyq ákimdiginiń baspasóz qyzmeti habarlaǵan.

Sonymen qatar, qalanyń mýnısıpaldy avtobýstarynda “elektrondy bılet” jobasynyń iske qosylýyna baılanysty da bul kúni tarıf 50 paıyzǵa tómendetilmek. Aıtýly kúnniń sharty boıynsha, kólik ıeleriniń barlyǵy erikti túrde avtomobıl aıdaýdan bas tartyp, velosıpedke nemese qoǵamdyq kólikterge otyrýy kerek. Basty maqsat – qorshaǵan ortanyń lastanýyn bir kúnge bolsa da toqtatý. Eń alǵash “Kólikten bas tartý kúni” 1997 jyly Anglıada ótkizilgen. Araǵa bir jyl salyp oǵan Fransıa qosyldy. Al, 2001 jyldan bastap bul kúndi álemniń 35 elinde atap ótedi.

 Qamshy-aqparat