QR Aqparat jáne komýnıkasıalar mınıstri Dáýren Abaev Prezıdenttiń «Bolashaqqa baǵdar: rýhanı jańǵyrý» atty maqalasyna pikir bildirdi, dep habarlaıdy Qamshy aqparattyq agenttigi Qazaqparat aqparat agenttigine silteme jasaı otyryp.
Mınıstrdiń aıtýynsha, jeke ózine Prezıdenttiń 100 úzdik álemdik oqýlyqty memlekettik tilge aýdarý, qazaqstandyq mádenıetti shetelde ilgeriletý usynysy qyzyqty boldy.
«Bul jumys bizdiń búkil qoǵamymyzǵa qatysy bar. Ǵalymdarǵa da, ekonomıserge de, shaǵyn bızneske de. Munyń barlyǵy bizdiń elimizdi álemdik mádenı ortaǵa ilgeriletýdegi berekeli jumys qoı. Men bul maqalany zeıin salyp oqýdy ótinemin», - dedi ol «Dáýren Abaevpen ashyq suhbat» baǵdarlamasy barysynda.
Aqparat jáne komýnıkasıalar mınıstri Dáýren Abaev latyn álipbıine kóshý Qazaqstannyń óziniń strategıalyq seriktesi sanalatyn Reseı Federasıasymen aradaǵy qarym-qatynasyna esh áser etpeıtindigin de basa aıtyp ótti.
«BAQ eń alypsatarlyq taqyrypty latynǵa kóshýdi qaǵyp aldy. Bul qadamdy Prezıdent óziniń 2012 jylǵy Joldaýynda aıtqan bolatyn. Iaǵnı, qazir tapsyrmany júzege asyrý jaıynda sóz bolyp otyr», - dedi ol.
Vedomstvo basshysynyń atap ótýinshe, keıbir BAQ bul prosesti shamadan tys saıasılandyryp jiberdi. Negizinen másele lıngvısıkalyq turǵyda kóterilip otyr.
«Bul taza spekýlásıa. Kóshý máselesi lıngvısıkalyq turǵyda tur. Odaqtasymyz Reseı Federasıasymen bizdiń qarym-qatynasymyzdy qaıta qarastyrý jaıynda sóz joq. Jáne bolýy da múmkin emes, birneshe jyl ótkennen keıin barlyq synshylar munyń olaı emestigine túsinetindigine men kámil senemin jáne bul taqyryp tóńiregindegi osynaý alypsatarlyqtyń barlyǵy da ótken is bolyp qalady», - dedi Dáýren Abaev.
Sonymen qatar ol Qazaqstannyń Reseımen strategıalyq áriptes bolǵandyǵyn ári bolyp ta qala beretindigin basa aıtty. Mınıstr qujattyń eń qajetti ýaqytta jaryq kórip otyrǵandyǵyn da atap ótti.
«Elimizdiń barlyq turǵyndary maqalany muqıat oqý barysynda bizdiń alǵa qadam basýymyzǵa qajetti dúnıelerdi tabaryna senimdimin. Memleket basshysy ózgelerdeı emes álemde oryn alyp jatqan ózgermeli trendterdi birden sezedi», - dedi mınıstr.
Onyń paıymynsha, qujat konstıtýsıalyq reformalar men ekonomıkalyq jańǵyrýdyń logıkalyq jalǵasy bolyp otyr.
«Qoǵamdyq sana-sezimdi de ózgertetin ýaqyt jetti», - dedi ol.
«Dáýren Abaevpen ashyq suhbat» baǵdarlamasynyń tolyq nusqasyn «Habar» telearnasynyń saıtynan kórýge bolady.
