Keshe Birikken Arab Ámirligindegi Abý Dabı qalasynda ótken Brazılıalyq Jıý-jıtsýdan Álem Birinshiliginde 11 jastaǵy Aqtóbe qalasynyń týmasy Sherhan Esenkeldın álem chempıony ataǵyn jeńip aldy dep habarlaıdy Qamshy aqparattyq agenttigi Nur.kz portalyna silteme jasap.

Bul týraly redaksıamyzǵa habarlasqan Sherhannyń ákesi Jeńis Bekmaǵanbetov habarlasyp, súıinshi surady.

"Ulym álem chempıony atandy!", - degen ol óziniń qýanyshyn jasyrmady.

"Men balam ekeýmiz 2 jyl buryn Brazılıalyq jıý-jıtsý sportyna qatysýdy birge bastaǵanbyz. Men ózim buǵan deıin bala kezimde grek-rım kýresimen aınalysqanmyn.

Sol kezde qansha utyp júrseń de, shet elge shyǵýǵa qarjylaı múmkindik bolmaıtyn.

Balamnyń kúreske degen ıkemi men talpynysyn kórip, jattyǵýdan qaldyrmastan, ári qaraı damytýdy maqsat ettim. Abý-Dabıge ketip bara jatyp: "Kóke, Qazaqstanda meniń salmaǵymda laıyqty qarsylas joq, ne bolsa da chempıon bolýym kerek", - dedi.

Sherhan Aqtóbe qalasyndaǵy №18 mekteptiń 5-synyp oqýshysy. Álem birinshiliginde ol 27 keli salmaqta reseılik jas sportshy Shamıl Dadaevpen jekpe-jekke shyqqan.

Atalǵan Álem birinshiligi sáýirdiń 18-si kúni aıaqtalady. Sherhandy bul saıysqa daıyndaǵan jattyqtyrýshysy - Kajekov Nartaı, al bas jattyqtyrýshysy -  Áshim Qalı.