2017 jyldyń 15 sáýirinde QazUÝ alańynda birinshi ret «Nauryz-Fest» qalalyq jastar festıvali ótedi dep habarlaıdy Qamshy aqparattyq agenttigi QazUÝ baspasóz qyzmetine silteme jasaı otyryp.

İs-shara Almaty qalasynyń Jastar saıasaty máseleleri jónindegi basqarmasynyń memlekettik áleýmettik tapsyrysy boıynsha uıymdastyrylýda.

Festıváldiń basty maqsaty ultaralyq birlik pen qoǵamdyq kelisimdi nyǵaıtý, qazaqtyń ulttyq sport túrleri arqyly jastar ortasynda salaýatty ómir saltyn qalyptastyrý jáne Qazaq eliniń mádenıeti men salt-dástúrin, «Jasyl ekonomıka» men ınovasıalyq tehnologıalardy nasıhattaý bolyp tabylady.

Festıválǵa Almaty qalasynyń 20-dan asa ýnıversıtetteri men ǵylymı-óndiristik birlestikteri qatyspaq.

Shara barysynda konserttik baǵdarlama men qazaqsha sporttyq oıyndar baǵdarlamasy qarastyrylǵan.