Arnaıy komısıa barlyq balabaqshalardy aralap shyqty, kináli tabylyp, jumysynan qýyldy, dep habarlaıdy Qamshy aqparattyq agenttigi.

Qyzylordadaǵy balabaqshalarydiń biriniń ádiskeri kishkentaı balaǵa qol jumsaǵany úshin jumysynan qýyldy. Vıdeo jazbadan kúdiktini anyqtaý polıseı qyzmetkerleri úshin qıyn bolǵan joq, ol úshin arnaıy komısıa mektepke deıingi daıarlyq ortalyqtarynyń bárin aralap shyqty.

Tótenshe oqıǵa «Bıbi Ajar» balabaqshasynda oryn alǵan. Áleýmettik jelide taralǵan vıdeo halyqtyń ashýyn keltirip, yzaly pikirlerdi jarysa jazyp jatty.

«Komısıa barlyq balabaqshalardy aralap, oqıǵa bolǵan oryndy anyqtady. Nátıjesinde, mekemeniń ádiskeri Nurǵalıeva jumystan qýyldy. Jekemenshik mekeme bolǵandyqtan qyzmetkerlerdi basshylyqytń ózi jumysqa alady. Bilim bólimi balabaqsha basshylyǵy men qyzmetkerlerine jaza qoldaný úshin Qyzylordanyń ákimdigine usynys tastady», dep habarlady oblystyq bilim basshylyǵynyń baspasóz-qyzmeti.

Qyzylorda oblystyq İİD qyzmetkerleri tekserý jumystaryn júrgizýdi jalǵastyryp jatyr. Balalarǵa qol kótergen basqa da tárbıeshilerdiń bar-joǵyn anyqtaýda.

Instagram qoldanýshysy elmira_eshniyazova óz paraqshasynda tárbıeshiniń balaǵa qol kóterip, dórekilik tanytqan vıdeosyn jarıalaǵan edi.