Dımash Qudaıbergenov «I am singer» baıqaýynyń fınalynda 2-shi orynǵa ıe boldy, dep habarlaıdy Qamshy aqparattyq agenttigi.

Qytaıdyń Chansha qalasynda Úsh aıǵa sozylǵan "Men ánshimin" baıqaýy búgin óz máresine jetti.

Dımash joba barysynda ekinshi oryndy ıelenip, Gonkong ánshisi Sandy Lam jeńiske jetti degen aqparat ǵalamtor betin sharlap júr. Dımashtyń óz sózin qaıtalap ótkimiz keledi: "Men qandaı oryn alsam da, ózimdi jeńimpaz sezinemin". Qazaq eli úshin Dımash absolútti jeńimpaz.

Aıta keteıik, jeńimpazdardyń taǵdyryn kórermen zalynda otyrǵan 500 adam sheshken. 

Fınaldyń translásıasy Astana ýaqytymen saǵat 20.00-de Qytaıda bastaldy. Al baıqaýdyń qorytyndysy shyǵyp qoıdy.

Álemdi aýzyna qaratqan ánshi Dımash Qudaıbergenov «Men ánshimin» jobasyna qatysyp, búkil álemdi tań qaldyrǵan bolatyn. Baıqaýdyń aqtyq synynda Dımash tanymal qytaılyq ánshi Shan Venszenmen qosylyp pop-mýzyka koroli Maıkl Djeksonnyń Earth Song ánin oryndaǵan. 

Dımash Qudaıbergenov birge án aıtatyn jubymen kúni keshe qyzyl kilemmen júrip ótken bolatyn.

Dımashtyń "Men ánshimin" baıqaýyna qatysýy Qazaqstannyń da bedelin kótergeni anyq. Baıqaýdyń basynan bastap taza qazaq tilinde sóıler júrgen ol Qazaq eliniń abyroıyn asqaqtata bildi. Ár kezeń saıyn  erekshe qoıylymmen, erekshe ánmen súısindire bilgen Dımash - búginde álem juldyzy.

Baıqaýdyń bastapqy kezeńinen jurtshylyqtyń nazaryna iligip, álemniń nazaryn ózine aýdara alǵan Dımash  18,47%, jeńiske jetken Gonkong ánshisi 22,6% daýys jınaǵan. 

Dımashtyń fınalda kórsetken ónerin nazarlaryńyzǵa usynamyz.