Facebook kompanıasy «tikeleı efır» adam óltirilýi týraly málimdeme jasady, dep habarlaıdy Qamshy aqparattyq agenttigi.

«Bul «sumdyq qylmys», jáne biz  mundaı kontenttiń Facebook-ke salynýyna qarsymyz»,  - delingen málimdemede..

Sonymen qosa kompanıa ókilderi: «Biz Facebook-te qaýipsiz ortanyń bolǵanyn qalaımyz. Jáne sol úshin quqyq qorǵaý organdarymen tyǵyz baılanystamyz. Qoldanýshylardyń fızıkalyq qaýipsizdigi biz úshin asa mańyzdy», - dep atap ótti.

Atalǵan qylmys Amerıkanyń Klıvlend(Ogaıo shtaty) qalasynda bolǵan. Quqyq qorǵaý organdarynyń málimetinshe, Stıv Stıvens esimdi azamat Facebook «tikeleı efırınde» adam óltirgen. Jáne ol vıdeony saqtap, óziniń paraqshasyna salyp qoıǵan. Qurban bolǵan 74 jastaǵy Robert Gýdvındi ol múldem tanymaǵan. Vıdeo júktelgennen keıin úsh saǵattan soń óshirilgen.

Polısıanyń málimetinshe, qylmysker áleýmettik jeli de óziniń tek bir qylmys qana jasamaǵandyǵyn málimdegen. Qazirgi ýaqytta ol izdeýde, qarýlanǵan jáne astynda kóligi bar. Sondyqtan ákimshilik qala turǵandaryna asa saq bolýdy eskertken.