Astanada 7 mamyr kúni áskerı paradqa qatysatyn paradtyq eseptoptar men áskerı tehnıkanyń jattyǵýy ótkizilip jatyr, dep habarlaıdy Qamshy aqparattyq agenttigi.

QR Qorǵanys mınıstrliginiń baspasóz qyzmetiniń málimetinshe, áskerı parad Qazaqstan Qarýly Kúshteriniń 25 jyldyǵyna arnalǵan. Áskerıler kún saıyn daıyndyqtaryn pysyqtap jatyr, jattyǵýlary da kún saıyn ótkiziledi. Elimizdiń ártúrli óńirinen kelgen áskerı qyzmetshiler palatkaly qalashyqta turyp jatyr. Sondaı-aq, áskerı tehnıkany josparly tekserý jáne tehnıkalyq qyzmet kórsetý de júrip jatyr.

Dalalyq lagerde jeke quramǵa arnalǵan barlyq qajetti jaǵdaı jasalǵan. Atap aıtqanda, turýǵa arnalǵan palatkalar, medısınalyq pýnktter, tamaqtaný pýnktteri jáne dalalyq monsha. Dalalyq qalashyqtyń aýmaǵynda bos ýaqytty uıymdastyrý úshin jyljymaly aqparattyq keshen óristetildi. Astanada ótetin paradqa bir aıdan az ýaqyt aldy.

Tartylatyn jeke quram men áskerı tehnıkanyń rekordtyq sanynan basqa, aldaǵy ótetin paradtyń erekshelikteriniń biri alańda áskerı-tehnıkalyq mektepterdiń avtomobıldi tehnıkasynda júrip ótetin Qazaqstan Qarýly Kúshteri ardagerleriniń, «Jas ulan» tórt áskerı mektep pen áskerı-patrıottyq klýbtardyń tárbıelenýshileri jáne Qorǵanys mınıstrligi áskerı-tehnıkalyq mektepteriniń oqýshylary, sondaı-aq, aýmaqtyq qorǵanys brıgadalary qurama rotasynyń qatysýy bolyp tabylady.