Jurtshylyqqa tanymal ánshi Saıat Medeýov Almaty oblysy, Qarasaı aýdanynyń №14 okrýgine Máslıhat depýtaty bolyp saılandy dep habarlaıdy Qamshy aqparattyq agenttigi. 

Elimizde sońǵy jyldary eleýli ózgerister oryn alýda. Sport pen óner salasynda júrgen birshama azamattar saılaýǵa túsip, depýtattyq mandatqa saılanyp jatyr. Almaty oblysy Qarasaı aýdany ákimdigi Saıat Medeýovtiń depýtat bolýyn óz kezeginde rastap otyr. 

Belgili bolǵandaı, elimizge tanymal ánshi Saıat Medeýov Almaty oblysy, Qarasaı aýdanynyń №14 okrýgine Máslıhat depýtaty bolyp taǵaıyndaldy. 

"Saılaý, negizinen, 26 naýryz kúni ótti. Sol kezde Saıat Medeýov jańa qyzmetke taǵaıyndalyp, osy ýaqytqa deıin aýdanymyzda bolǵan túrli resmı is-sharalarǵa qatysyp júr", - dep málimdedi Almaty oblysy, Qarasaı aýdany Máslıhat apparatynyń basshysy Qordaı Orynbaıuly.