Pavlodardyń 21 jastaǵy turǵyny áleýmettik jelide ekstremısttik baǵyttaǵy materıaldardy jarıalaǵany úshin qamaýǵa alyndy dep habarlaıdy Qamshy aqparattyq agenttigi Sputnik basylymyna silteme jasap.

Pavlodarda "Quqyqtyq tártip" respýblıkalyq jedel profılaktıkalyq is-shara kezinde polıseıler terorızm men dinı ekstremızmdi nasıhattaýshyny ustady dep habarlady Pavlodar oblysy ishki ister departamentiniń baspasóz qyzmeti.

Onyń málimetinshe, 2017 jyly 10 sáýirde Pavlodar qalasynda uıymdasqan qylmysqa qarsy kúres boıynsha basqarmanyń qyzmetkerleri arnaıy qyzmet sarbazdary jáne UQK qyzmetkerleriniń kómegimen 1996 jyly týǵan J. esimdi azamatty ustady.

"Ustalǵan azamat áleýmettik jeli jáne ınternet-messendjerler arqyly terorızm men dinı ekstremızm ıdeıalaryn nasıhattaǵan jáne sol mazmundaǵy materıaldardy saqtap taratqan. İİD tergeý bólimi sot aldy tergeý isin bastady. Sot sheshimimen ustalǵan azamat qamaýǵa alyndy", — delingen habarlamada.