Basty maqsat eki el arasyndaǵy mádenıet, bilim jáne ǵylym salalaryndaǵy yntymaqtastyqty tereńdete túsý bolyp otyr. Qazaqstan menTúrkıa qatynastarynyń damý qarqyny eki memlekettiń yntymaqtastyq-strategıalyq sıpatyn kórsetedi. Baýyrlas elderdiń qarym-qatynasy 20 jyl ishinde tolaǵaı tabystarǵa jetip, saıası-ekonomıkada da jańasha beles alyp otyr. Nursultan Nazarbaev Abdýlla Gúlmen «Jańa Sınergıa» birlesken ekonomıkalyq baǵdarlamasyna keńinen toqtalmaq. İs-sapar barysynda qazirgi zamanǵy talaptarǵa jáne jahandyq ekonomıkalyq ınvestısıalyq iskerlik baılanystarǵa asa mán berilý kózdelip otyr. Sondyqtan baǵdarlamaǵa sáıkes 2015 jylǵa deıin eki el arasyndaǵy saýda aınalymdy 10 mıllıard AQSH dollaryna jetkizý kún tártibinde turǵan másele. [video w="495"]http://www.youtube.com/watch?feature=player_embedded&v=AxzB5fmR9i4[/video] Mehmet ARSLAN, saıasattanýshy:                         - Bizdiń elder ózara saýda aınalymdy 10 mıllard AQSH dollaryna jetkizýdi josparlap otyr. Meniń oıymsha, alǵa qoıǵan maqsattardy oryndaýda eki eldiń de qaýqary jetkilikti. Álemdi daǵdarys bılep turǵan kezde Qazaqstan men Túrkıa elderiniń ekonomıkasy qarqyndy damýyna talaı el qyzyǵa qaraıtyn bolady. Munan keıin Elbasy Túrkıa Premer-mınıstri Rejep Erdoǵanmen kezdesip, joǵary deńgeıdegi strategıalyq-yntymaqtastyq keńesiniń birinshi otyrysyna qatysady. Jıynnyń eki elge de paıdasy zor ekendigin túsingen saıasattanýshylar keńest­­­i bir aýyzdan quptap otyr. Hasan KANBOLAT, Taıaý jáne Orta Shyǵys zertteý ortalyǵynyń dırektory: - Strategıalyq-yntymaqtastyq keńesi Qazaqstan men Túrkıanyń áleýetin arttyrýǵa biregeı múmkindik beredi. Osy keńestiń arqasynda kóp máseleler óz sheshimin taýyp, birqatar isterdiń ilgerileıtindigine tolyqtaı senimdimin. Sondyqtan sózsiz keńes nátıjeli bolatyndyǵy anyq. Keńes qorytyndysy boıynsha ekijaqty qujattarǵa qol qoıylyp, buqaralyq aqparat quraldaryna arnaıy brıfıń ótedi degen boljam bar. Avtorlar: Eldar Baqpaev, Esbol Muratuly, Januzaq Boranbaev, 24 KZ