Túrkıada prezıdenttik saılaý júıesine kóshýge baılanysty referendým bolyp jatqan kezde Dıarbaqyr aılaǵynyń Iabanardy aýylynda eki topqa bólingen adamdar arasynda atys oryn alǵan. Atystyń saldarynan eki adam kóz jumdy, dep habarlaıdy Qamshy aqparattyq agenttigi sheteldik BAQ-qa silteme jasap.

Belgili bolǵandaı, atys saılaý ýchaskisi ornalasqan mektep kóshesinde bolǵan. Aldyn-ala boljam boıynsha, bul oqıǵada eki top eki túrli saıası pikirdi ustanǵan.

Referendým kezinde 167 myńnan astam saılaý ýchaskilerinde 55,3 mıllıonnan astam turǵyn daýys bergen. Ózge elde turatyn túrikter merziminen buryn daýys berip qoıǵan eken. Referendým kezinde qaýipsizdik qyzmeti kúsheıtilip, 380 myń polısıa qyzmetkerleri eldiń tynyshtyǵyna jaýapty bolǵan.

Referendým nátıjesi boıynsha, Túrkıa Konstıtýsıasyndaǵy 18 baptyń ózgerýine sáıkes, prezıdent memlekettik júıeni basqarýdy óz qolyna alyp, vıse-prezıdent pen mınıstrlerdi ózi taǵaıyndaý quzirettiligine ıe bolady.