BUU janyndaǵy Balalar qorynyń dırektory Entonı Leık Sırııdaǵy avtobýstar kolonnasynda janynda jasalǵan teraktty qanisherlerdiń isi dep aıyptady, dep habarlaıdy Qamshy aqparattyq agenttigi.

Sırıadaǵy Aleppo Rashıdın qalasyndaǵy avtobýstar kolonnasynyń janynda bolǵan jarylystan 60-tan astam bala qaza tapqan. Bul týraly BUU IýNISEF qorynyń basshysy Entonı Leık habarlady.

«Bizge túsken málimetter boıynsha Aleppodaǵy jarylysta 96 adam qaıtys bolǵan. Onyń 60-tan astamy bala. Avtobýsta onsyzda talaı qıyndyqty kórgen otbasylar kele jatqan. Olar taǵy da eń jaqyn adamdarynyń qazasyn kórdi», - delingen jazbasha málimdemede.

Jarylys senbi kúni keshke bolǵan. Avtobýstarda Idlıb provınsıasyndaǵy El-Fýa jáne Kefraı aýyldarynan evokýasıalanǵan otbasylar otyrǵan.

Terakt avtobýstar janarmaı beketine kelip toqtaǵan tusta balalarǵa arnalǵan zattar men azyq-túlik tasýshy kólikterdiń janynda jasalǵan. Nátıjesinde úlken órt shyqqan. Jergilikti Al Mayadeen telearnasynyń habarlaýynsha, 96 adam qaıtys bolyp, júzden astam adam aýyr jaralanǵan.