Qazaqstan Prezıdenti «Nur Otan» partıasy tóraǵasynyń birinshi orynbasary Muhtar Qul-Muhammedti qabyldady dep habarlaıdy Qamshy aqparattyq agenttigi.

Memleket basshysy kezdesýde partıanyń 2016 jylǵy qyzmetiniń qorytyndylary jónindegi esepti tyńdap, aldaǵy kezeńge arnalǵan jumys josparlarymen tanysty.

Nursultan Nazarbaevqa jalpy ulttyq kún tártibindegi mańyzdy aspektilerdi iske asyrý sharalary, sondaı-aq el damýynyń basty baǵyttary jóninde jurtshylyqty habardar etý máseleleri týraly baıandaldy.

M.Qul-Muhammedtiń málimeti boıynsha, 2015 jylmen salystyrǵanda partıa qurylymdaryna aryz-shaǵymmen júgingen azamattar sany 30%-ǵa artqan. 2016 jyly 283 myńnan astam ótinish kelip túsken, qazir onyń 92%-y oń sheshimin tapty.

Sondaı-aq, Elbasyǵa partıa ókilderiniń óńirlerdegijurtshylyqpen kezdesýleriniń qorytyndylary jáne kúndelikti qyzmet barysynda qoldanylatyn partıa jumysynyń jańa formaty jóninde málimet berildi.