Túrkıadaǵy referendým qorytyndysyna qarsy shyqqan myńdaǵan adam Ystambýl kóshelerine shyqty, dep habarlaıdy Qamshy aqparattyq agenttigi.

Ystambýldyń Beshiktash aýdanynda myńnan astam adam, Kadykeıde eki myń adam qarsylyq aksıasyna shyqty.

Qarsylyq kezindegi quqyq buzýshylyqtar týraly habar taratylǵan joq.

Esterińizge sala keteıik, 16 sáýir kúni Túrkıada konstıtýsıalyq ózgerister onyń ishinde prezıdent bıligin kúsheıtý jóninde referendým ótken bolatyn. Nátıjesinde Túrkıa halqynyń 51,4% ózgeristi qoldaǵan. 2019 jyldan bastap Túrkıa prezıdenti memlekettik júıeniń basshysyna jáne úkimet basshysyna aınalyp, mınıstrler men ózge de sheneýnikterdi taǵaıyndap, el búdjetine, parlamentte ózgerister júrgizip, óz partıasyn basqaryp, memlekettik zań deńgeıindegi qaýlylar bere alady. Prezıdenttiń bılikte otyrý ýaqyty 5 jylǵa uzartylady. Jáne eki ret qatarynan saılanýǵa múmkindik beredi.

Eger Túrkıanyń qazir prezıdenti Rejep Taıyp Erdoǵan 2019 jylǵy saılaýda jeńiske jetse,  2029 jylǵa deıin eldiń tolyq basshysyna aınalady.