QHR Tóraǵasy Sı Szınpın Astanadaǵy EKSPO kórmesine keledi. Bul týraly búgin Astanada Yntymaqtastyq jónindegi Qazaqstan-Qytaı komıtetiniń 8-otyrysy barysynda QHR Memlekettik keńesi Premeriniń orynbasary Chjan Gaolı málim etti, dep habarlaıdy QazAqparat.

«Taıaý eki aıdyń ishinde bizdiń Memleket basshylarymyzdyń kezdesýi ótedi dep kózdelgen. Sizderdiń Prezıdentterińiz mamyr aıynyń ortasyna qaraı Qytaıǵa keledi, onda ol «Bir beldeý - bir jol» atty halyqaralyq forýmnyń jumysyna qatysady. Tóraǵa Sı Szınpın maýsym aıynyń basynda Astanaǵa saparlap, SHYU samıtine jáne EKSPO-ǵa qatysady. Sondyqtan olardyń arasynda óte mańyzdy kezdesýler ótedi», - dedi Chjan Gaolı.

Eske sala keteıik, bunyń aldynda QHR Tóraǵasy Astanadaǵy EKSPO kórmesine qatysatyndyǵy týraly habarlanǵan bolatyn.

QHR Vıse-premeri Qazaqstan men Qytaı arasyndaǵy yntymaqtastyqtyń sátti damýyna da toqtaldy. Qazirgi ýaqytta 3 joba iske qosyldy, 5 joba qurylys ústinde, taǵy 10 joba jaqyn arada paıdalanýǵa beriledi dep josparlanǵan. Indýstrıalandyrý boıynsha birlesken qor quryldy, maqsatty nesıe qarajaty bólindi.