Aqmola oblysy boıynsha Tótenshe jaǵdaılar departamentiniń kúshterimen, jergilikti atqarýshy organdar, ishki ister organdarymen jáne de Kókshetaý tehnıkalyq ınstıtýtynyń kýrsanttarynyń kúshterimen búgingi tańda Atbasar aýdanyndaǵy sý basý aımaqtarynan 1340 astam adam, 170 bas aýylsharýashylyq janýarlary qutqaryldy. Bul týraly Aqmola oblysynyń Óńirlik komýnıkasıalar qyzmetiniń alańynda ótken brıfıń barysynyda Aqmola oblysy boıynsha Tótenshe  jaǵdaılar departamenti basshysynyń orynbasary Manarbek Shapraǵatov baıandady dep habarlaıdy Qamshy aqparattyq agenttigi.

Aqmola oblysy aýmaǵynda aýa raıy jaǵdaılaryna baılanysty  kóktemgi tasqyn ahýaldary oryn aldy. Osylaı apat saldarynan 5 aýdan zardap shekti, sonyń ishinen eń kúrdeli jaǵdaı Aqmola oblysynyń Sandyqtaý jáne Atbasar aýdandarynda qalyptasty.

Atbasar qalasynda qorǵanys bógetinde 5 jerden buzyldy, sonyń saldarynan 130 turǵyn úılerdi sý basty. Atbasar aýdanyndaǵy úlken tasqyn saldaryn joıý úshin Aqmola  oblysynyń TJD ınertti materıaldarmen toltyrylǵan qaptardan bógetter jasaý jumystary júrgizildi.

«Qazirgi ýaqytta Atbasar aýdanynda 10 myńǵa jýyq qaptarmen 2 metr bıiktikte jáne uzyndyǵy 205 metr bolatyndaı bóget quryldy», - dep, Aqmola oblysy boıynsha Tótenshe jaǵdaılar departamenti basshysynyń orynbasary Manarbek Shapaǵatov baıandady.

Sandyqtaý aýdanynda 6 eldi-meken jáne 240 úı tasqynnan zardap shekti. Jergilikti atqarýshy organdarmen jáne TJM sý basqan aýmaqtardan turǵyndardy qutqarý jumystary júrgizildi. Barlyǵy 570 adam qutqaryldy. Aýyl sharýashylyq janýarlardyń 160 bastan astamy qaýipsiz aýmaqtarǵa aıdaldy.  Barlyq kórsetilgen jerlerde ınertti materıaldarmen úılerdi jáne dambalardy salý jumystary júrgizildi, tasqyn sýlardy kanaldar arqyly burý boıynsha jumystary, kezekshilikter uıymdastyryldy.  Jol arqyly  arnarlardyń asqan jerlerinde jol qyzmetkerlerimen eskertý belgileri qoıyldy.

«Barlyǵy Aqmola oblysy boıynsha Departamentpen, ishki ister organdarymen, jergilikti atqarýshy organdarmen, medısınalyq apat ortalyǵymen jáne Kókshetaý tehnıkalyq ınstıtýtynyń kýrsanttarymen avarıalyq-qutqarý jumystary kezinde  968 adam mobılızasıalanǵan, 248 tehnıka birlikteri, 6 motopompa, 11 júzý quraldary jáne  1 tikushaq jumyldyrylǵan», - degen Aqmola oblysy boıynsha tótenshe jaǵdaılar departamenti basshysynyń orynbasary Manarbek Shapaǵatov aqparat berdi.

Atap ótsek, Aqmola oblysynyń tótenshe jaǵdaılar departamenti bazasynda 8 sáýirden bastap aqparattyq jedel jeli telefony qyzmet isteýde (8-7162-50-26-75).

Manarbek Shapaǵatovtyń aıtýynsha, qoldanylyp jatqan sharalar nátıjesinde tasqyn sý mólsheri tómendeıdi dep kútilýde. Qazirdiń ózinde Sandyqtaý aýdanynda sý mólsheriniń tómendeýi baıqaldy.