Ortalyq komýnıkasıalar qyzmetinde sý tasqyny kezeńiniń ótýi týraly brıfıń ótkizildi dep habarlaıdy Qamshy aqparattyq agenttigi. İs-sharaǵa Qazaqstan Respýblıkasy İshki ister mınıstriniń orynbasary Iýrıı Ilın qatysty. Mınıstrdiń orynbasary Qazaqstannyń ortalyq jáne soltústik óńirlerinde sý tasqyny 11 sáýirden bastap beleń alatynyn atap ótti.
«Birqatar óńirlerde jaýyn-shashyn boldy, sonyń saldarynan ózender tolyp, sýy arnasynan asty, eldi mekenderdi sý basý qaýpi týdy, Aqmola, Aqtóbe, Shyǵys Qazaqstan, Qaraǵandy, Qostanaı, Pavlodar jáne Soltústik Qazaqstan oblystarynda joldardy sý shaıdy. Adamdardyń qaza bolýyna jol bermeý maqsatynda sý astynda qalǵan aımaqtardaǵy eldi mekenderden aldyn ala 4 715 adam evakýasıalandy, olar Aqmola (1340), Shyǵys Qazaqstan (52), Jambyl (55), Qaraǵandy (1850), Qostanaı (200), Aqtóbe (1174), Soltústik Qazaqstan oblystarynda (44). Sonyń ishinde 17 sáýirdegi jaǵdaı boıynsha 860 adam úılerine oraldy, 3167 adam týystarynyń úılerine ornalastyryldy, qalǵan 688 adam evakýasıalaý pýnktinde qaldy. Eldi mekenderden 5 598 bas aýyl sharýashylyq janýarlary qaýipsiz jerge aıdaldy, sonyń ishinde 2 195-i aýlalaryna qaıtaryldy. Qazirgi ýaqytta tótenshe jaǵdaılar aımaqtarynda 1 987 qutqarýshy, Ulttyq ulannyń áskerı qyzmetshileri, jergilikti atqarýshy organdar men jergilikti polısıa qyzmetkerleri, 605 birlik tehnıka avarıalyq-qutqarý jáne shuǵyl jumystardy júrgizýde. Sý tasqyny kezeńiniń basynan beri İİM bólimsheleri men jergilikti atqarýshy organdar 22 shaqyrym ýaqytsha bógen turǵyzdy, 119 myńnan astam qapqa qum salyndy jáne tóseldi, 643 myńnan astam tekshe metr erigen qar sýy soryldy. TJ qaýpi men olardyń týyndaýyna jedel den qoıý maqsatynda İİM sý tasqyny kúrdelene túsken jaǵdaıǵa aldyn ala 12 471 adam, 1 955 birlik tehnıka, 19 tikshaq, 302 birlik júzý quraly bar kúshter men quraldar toptary quryldy. Halyqty evakýasıalaýǵa 1707-den astam halyqty qabyldaý pýnkti daıyndaldy. Barlyq óńirlerde tótenshe jaǵdaılardy joıý kezindegi is-qımyldar josparlary ázirlendi, sý tasqyny kezeńindegi ózara is-qımyldar josparlary túzetildi. Tótenshe jaǵdaılar komıtetinde jáne onyń 6 aýmaqtyq bólimshesinde sý tasqynyn joıý jedel shtabtary quryldy, olar táýlik boıy qyzmet atqarady» dedi vıse-mınıstr.
Júrgizilgen taldaýǵa sáıkes, Aqmola, Qaraǵandy jáne Jambyl oblystaryndaǵy sý qoımalaryna tasqyn jáne erigen qar sýy tolassyz aǵyp kelýine baılanysty aǵyzatyn sýdyń mólsherin sál qosý qajet bolýy saldarynan eldi mekender men avtojoldardy sý basqan bolatyn. Atalǵan jaǵdaıǵa baılanysty İİM Tótenshe jaǵdaılar komıtetiniń «Qazavıaqutqarý» AQ tikushaǵyn qoldana otyryp, Astana qalasynyń, Aqmola, Shyǵys Qazaqstan, Qaraǵandy, Qyzylorda, Qostanaı, Pavlodar jáne Soltústik Qazaqstan oblystarynyń aýmaǵyn áýeden barlaý jumystary júrgizilgen.
«Aqmola, Qostanaı, Aqtóbe, Qaraǵandy, Soltústik Qazaqstan oblystarynyń TJ departamentterinde «qaýyrt jeli» telefondary jumys isteıdi, olar boıynsha halyq qajetti aqparatty ala alady. Qalyptasqan jaǵdaıdy esepke ala otyryp, Qaraǵandy oblysynyń 2 aýdanynyń (Buqar Jyraý jáne Abaı aýdandary) jáne 1 qala (Aqtóbe qalasy) ákimderi olardyń aýmaqtarynda tabıǵı sıpattaǵy tótenshe jaǵdaılar týyndaǵany týraly jarıalady. Ózenderdegi sý deńgeıine táýlik boıy monıtorıń júrgizilýde jáne halyqpen jıyndar ótkizilýde, olarǵa qalyptasqan jaǵdaı týraly aqparattar berildi. Áleýmettik jeliler, teledıdar arqyly halyqty qulaqtandyrý uıymdastyryldy, sms-taratý, aýla-aýlany aralaý jumystary júrgizildi. Ortalyq jáne soltústik óńirlerde sý tasqyny kezeńiniń qaýipsiz ótýin jáne olardan keletin teris saldardy azaıtýdy qamtamasyz etý jumystary jalǵasýda» dedi ol.
QR İİM sý tasqyny kezeńiniń ótýi týraly baıandady
11 sáýirden bastap, Qazaqstannyń ortalyq jáne soltústik óńirlerinde sý tasqyny beleń ala bastady. Qatty jaýyn-shashyn men erigen qar sýynyń saldarynan ózender tolyp, arnasynan asty. Barlyq óńirlerde sý tasqyny kezeńindegi ózara is-qımyldar josparyna jaǵdaıǵa sákes ózgertýler engizildi. Bul týraly Ortalyq komýnıkasıalar qyzmetinde Qazaqstan Respýblıkasy İshki ister mınıstriniń orynbasary Iýrıı Ilın málim etti.
Adam shyǵynyna jol bermeý maqsatynda sý astynda qalǵan aımaqtardaǵy eldi mekenderden aldyn ala 4 715 adam evakýasıalandy. Onyń ishinen 17 sáýirdegi jaǵdaı boıynsha, 860 adam úılerine oraldy, 3167 adam týystarynyń úılerine ornalastyryldy, qalǵan 688 adam evakýasıalaý pýnktinde qaldy.
Eldi mekenderden 5 598 bas aýyl sharýashylyq janýarlary qaýipsiz jerge aıdaldy, sonyń ishinde 2 195-i aýlalaryna qaıtaryldy.
Spıkerdiń aıtýynsha, qazirgi ýaqytta tótenshe jaǵdaılar aımaqtarynda 1 987 qutqarýshy, Ulttyq ulannyń áskerı qyzmetshileri, jergilikti atqarýshy organdar men jergilikti polısıa qyzmetkerleri, 605 birlik tehnıka avarıalyq-qutqarý jáne shuǵyl jumystardy júrgizýde.
Tótenshe jaǵdaılar komıtetinde jáne onyń 6 aýmaqtyq bólimshesinde sý tasqynyn joıý jedel shtabtary quryldy, olar táýlik boıy qyzmet atqarady.
Sý tasqyny kezeńiniń basynan beri İİM bólimsheleri men jergilikti atqarýshy organdar 22 shaqyrym ýaqytsha bógen turǵyzdy, 119 myńnan astam qapqa qum salyndy jáne tóseldi, 643 myńnan astam tekshe metr erigen qar sýy soryldy.
TJ qaýpi men olardyń týyndaýyna jedel den qoıý maqsatynda İİM sý tasqyny kúrdelene túsken jaǵdaıǵa aldyn ala 12 471 adam, 1 955 birlik tehnıka, 19 tikshaq, 302 birlik júzý quraly bar kúshter men quraldar toptary quryldy.
Sondaı-aq, halyqty evakýasıalaýǵa jergilikti organdardyń kúshimen 1707-den astam qabyldaý pýnkti daıyndaldy.
Búgingi tańda sý tasqyny qaýpi seıilmegen barlyq óńirlerde ózen sýynyń deńgeıine táýlik boıy monıtorıń júrgizilýde.
Aıta keteıik, halyqty qulaqtandyrý jumystary áleýmettik jeli, teledıdar, sms-taratý, aýla-aýlany aralaý arqyly uıymdastyrylǵan bolatyn.
Ortalyq jáne soltústik óńirlerde sý tasqyny kezeńiniń qaýipsiz ótýin jáne olardan keletin teris saldardy azaıtý maqsatynda qyrqyndy jumystar jalǵasýda.
