Túrgendik 8 jasar qyzdyń atasy qylmyskerdiń basyn baltamen shaýyp jazalamaq boldy dep habarlaıdy Qamshy aqparattyq agenttigi informburo.kz silteme jasap. Syrttaǵy shýdy estigen kórshileri qyzdyń atasyn tynyshtandyryp, ýchaskelik polısıany shaqyrady. Týysqandary jábirlenýshi qyzdyń qandaı azapty bastan ótkergendigi týraly KTK telearnasyna baıandap berdi.

2- synypta oqıtyn jábirlenýshi qyzdy oqıǵa ornynan kezdeısoq ótip bara jatyrǵan  11- synyp oqýshysy Tımýrbek Jamaladdınov qutqaryp qaldy. Ol qylmyskerdi qorqytyp, qyzdy úıine deıin ákelip tastaǵan. Soqqyǵa jyǵylǵan qyzdarynyń túrin kórgen týysqandary qylmyskerdi dereý izdestire bastaǵan. Onyń atasy qylmyskerdiń  basyn baltamen shaýyp  jazalamaq  bolǵan. Biraq kórshileri ony sabyrǵa shaqyryp, olaı jasaýdyń qajeti joq ekenin túsindirgen. Osyǵan baılanysty qyzdyń atasy kórshilerine alǵys ta aıtady. Osy oqıǵaǵa baılanysty kóptegen pikirler jazylyp jatyr. Kópshiligi qyzdyń atasynyń jasaǵan is-áreketi oryndy dep bilse, keıbireýleri memleket jazalaý kerektigin aıtady. Polısıa qyzmetkerleri qylmyskerdi qolǵa túsirdi. Qylmysker 1985 jylǵy túrgendik turǵyn ekendigi belgili boldy. Osy oqıǵadan keıin jábirlenýshiniń týystary 12 saǵat boıy bir aýrýhanadan basqa aýrýhanaǵa júgirgendigin aıtady. Olardyń aıtýy boıynsha eshqandaı aýrýhana alǵashqy kómek kórsete almaǵandyǵymen qoımaı tomografıa úshin aqsha talap etkendigin de aıtyp berdi.

Qazir aýrýhanada jatqanyna 3 kún ótse de qyz áli kúnge deıin óz-ózine kelmegen eken. «Bul jaǵdaıǵa tek pedofıl ǵana kináli emes, medısına qyzmetkerleri de jaýap berýi kerek» -, deıdi jábirlenýshiniń týystary.