Taraz memlekettik pedagogıkalyq ınstıtýtynyń ujymy «Bolashaqqa baǵdar: rýhanı jańǵyrý» atty Elbasynyń maqalasyn talqylady dep habarlaıdy Qamshy AA. Bul týraly TarMPI-dyń aqparattyq-ımıdjdik qyzmetiniń jetekshisi Jandar Asan habarlady.
Alqaly jıynda oqý ornynyń profesor-oqytýshylary men stýdentteri rýhanı jańǵyrý ıdeıasynyń mán-mańyzyn sóz qyldy.
Basqosýda ınstıtýttyń Tárbıe jumysy jáne áleýmettik máseleler jónindegi prorektory Orynqyz Joldasova bul mazmuny tereń, ulttyq múddemizben sabaqtas qundylyqtardy jandandyrýǵa baǵyttalǵan súbeli eńbek ekendigin aıtty. – Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasynda elimizdiń bolashaq damý baǵyty aıqyndaldy. Biz – birlik pen berekeni, turaqtylyq pen ózara kelisimdi nyǵaıta otyryp, «Máńgilik el» ulttyq ıdeıasyn naqty júzege asyra bastadyq. Osy jolda Elbasy qoǵamnyń, árbir el azamatynyń sanasyn jańǵyrtýdyń naqty birneshe basym baǵyttaryn naqtylap berdi. Munymen qosa, Prezıdent maqalada memlekettiń básekege qabiletti bolýyn erekshe atap ótti. Álbette, kez kelgen ortada básekege qabiletti bolý – tabysty adamnyń formýlasy. Ol búgingi zamannyń talaby, – dedi O. Joldasova.
TarMPI-dyń Qazaqstan tarıhy kafedrasynyń meńgerýshisi Áýezhan Shashaev maqalada rýhanı salaǵa erekshe kóńil bólingendigin jáne bul memleket damýynyń úshinshi tuǵyry bolýy tıistigin áńgimeledi. – Eń basty ıakı negizgi máseleniń biri «Týǵan jer» baǵdarlamasynyń qolǵa alynatyndyǵy. Biz ósken óńirimizdi jaqsy kórip, týǵan jerimizdi maqtan etý arqyly Otanymyzǵa, memleketimizge degen súıispenshiligimiz arta túsedi. Sonymen qatar, maqaladaǵy basymdyqtardyń biri qazaqtyń salt-dástúrin, ulttyń mádenı kodyn halyqaralyq, gýmanıtarlyq, ekonomıkalyq prosesterge sáıkestendirip, sol úderisterge ilestirip jiberý bolyp tabylady. Sondaı-aq, Elbasy Qazaqstanda latyn álipbıin qoldanysqa engizý máselesine de erekshe mán berý qajettigin alǵa tartty. Kún saıyn qarqyndy damyp jatqan zamanaýı tehnologıa, komýnıkasıa jáne ınovasıanyń tehnıkalyq tilin jedel meńgerýde latyn qarpiniń róli aıryqsha mańyzdy bolmaq, – dep atap ótti Á. Shashaev. Jıyn barysynda maqalada kórsetilgen «Ulttyq sana», «Týǵan jer» baǵdarlamasy, «Qazaq tilindegi 100 jańa oqýlyq», «100 jańa esim», «Mádenı-geografıalyq beldeý», «Básekelik qabilet», «Pragmatızm», «Ulttyq biregeılikti saqtaý», «Qazaqstannyń revolúsıalyq emes, evolúsıalyq damýy» jáne ózge de máseleler týrasynda keńinen áńgime qozǵalyp, qatysýshylar tarapynan qoldaýǵa ıe boldy.
