Ulan aýdanynyń Taıynty asýynda jel elektr stansıasy salynady dep habarlaıdy Qamshy AA. Qurylysy aǵymdaǵy jyldyń ekinshi jartyjyldyǵynda josparlanǵan stansıa Ulan aýdanyn tolyqtaı elektr qýatymen qamtamasyz etýge qaýqarly.

Bul jaıly Shyǵys Qazaqstan Aımaqtyq komýnıkasıalar qyzmetinde ótken baspasóz máslıhaty barysynda oblystyq Energetıka jáne turǵyn úı-kommýnaldylyq sharýashylyǵy basqarmasy basshysynyń m.a. Almat Arslambaev málimdedi.

Aıta ketsek, stansıanyń jospary 2013 jyly jasalǵan. Barlyq jobalyq-smetalyq qujattary ázirlenip, ınvestor da tabylǵan. Degenmen joba basshysy men ınvestor elektr qýatynyń baǵasyna kelise almaýshylyǵynan jobanyń merzimi de uzartylady.

– Qazirge deıin Taıynty asýynda qajetti zertteý jumystary júrgizilip, joba óz sońyna jetti. Endi kelesi jartyjyldyqtan bastap jańa stansıanyń qurylysy bastalady. Qýaty 24 MVt bolatyn stansıa Ulan aýdanyn tolyqtaı elektr qýatymen qamtamasyz etip, qalǵan qýat respýblıkalyq jalpy jelige jiberiletin bolady, – dedi Almat Arslambaev.