«camonitor.kz» saıtynda jýrnalıs Bıgeldi Ǵabdýllınniń elimizdegi jýrnalıser jaǵdaıyn, jalpy BAQ halin sıpattaǵan materıaly jaryq kórgen bolatyn. Aýrýyn jasyrǵan óledi demekshi Qamshy AA áriptesimizdiń janaıqaıyn dúıim jurttyń nazaryna usynýdy jón sanady.
«Másele mynada, sońǵy ýaqyttarda kóptegen memlekettik BAQ ókilderiniń tóraǵalyq qyzmetine kásibı deńgeıleri tómen jáne basshylyqtan únemi seskenetin mamandardy taǵaıyndap qoıady. Olar batyl qadam jasaýǵa, óz pikirin tolyq jetkizýge qorqady. Sondyqtan bılik basyndaǵylardyń tapsyrystaryn buljytpaı oryndap otyrady. Bul masqara jaǵdaı.
Qazaqstandyq BAQ ókilderi bılikke qyzmet etedi. Nátıjesinde, bizdiń jýrnalısıka bıliktiń zańdastyrylmaǵan qosymsha jeke menshikteri sekildi bolyp qaldy. BAQ ókilderi eshqandaı bıliktegi qyzmetkerlerge baǵynbaı, saıasatqa aralasýy kerek.
Qoǵamda osyǵan baılanysty mynandaı qaǵıda qalyptasqan: saıasatta eki oıynshy bar: biri bılik bolsa, ekinshisi BAQ, ekeýi bir-birine jaý. Biz, barlyq qazaqstandyqtar, bul prosestiń belsendi múshesimiz. Biz «Qazaqstan» atty bir kemeniń jolaýshylarymyz. Kez-kelgen jýrnalıske kez-kelgen ýaqytta erkindik beriletin bolsa, sonshalyqty aqıqatty aıtýǵa batyly barar edi. Qazirgi jýrnalıster oıyndaǵysyn tolyq jetkize de, pikirin ashyq jaza da almaıdy. Bizge jýrnalıstik batyldyq jetispeıdi. Ásirese, qazirgi ýaqytta.
Kez-kelgen qazaqstandyq azamat shynaıy aqparatty tańdaýǵa quqyǵy bar, sondyqtan BAQ ókilderi tolyq jáne shynaıy, ózindik túıin jasaı otyryp aqparatty jarıalaýy qajet. Bul úshin ne isteý qajet? Eń bastysy, memlekettik jáne ózge de organdardan aqparatty jedel túrde alatyndaı jaǵdaı jasalýy kerek. Osyǵan baılanysty BAQ ókilderine qatysty zań is júzinde oryndalmaıdy. Aıtpaǵymyz, 18 bap.
Tanymal reseılik jýrnalıs Pavel Gýtıontov baspasózdiń kezekti álsizdigi qoǵamdyq pikirdiń joqtyǵynyń kórinisi jáne bul qaýipti dep jaqsy pikir bildiredi.
Jýrnalısıkanyń deńgeıi buryn qazirgideı bolǵan joq. Baspasóz qyzmetkerleri syn aıta alady, pikir bildiredi, usynys jasaıdy, biraq nátıje joq. Bıliktegi adamdar gazettegi jáne saıttaǵy maqalalardy oqıdy, teledıdar kóredi, biraq eshqaısysyna baǵdarlamalar men maqalalar áser etpeıdi. Olarǵa basshylyq tapsyrma bergennen keıin nemese belgili bir oqıǵa halyqty shýlatqannan keıin baryp ózderine jaýapkershilikti ala bastaıdy. Bul jýrnalısterge de, bıliktegilerge de qaýipti bolyp tabylady.
Bılik qyzmetkerleri BAQ ókilderiniń barlyǵy birdeı ózara baılanys jasamaıtynyn áli tolyq túsine qoıǵan joq. Baspasózdegiler bólek baǵytty, televızıa qyzmetkerleri de, ǵalamtor jýrnalısıkasy da bólek baǵytta jumys jasaıdy. BAQ týraly barlyq máseleler únemi keıinge qaldyrylyp otyrady jáne bılik baspasózdi qoldaý barysynda eshnárse jasap jatqan joq.
Naǵyz jýrnalısıka sary basylymdaǵy aqparattan jáne áleýmettik jelini qoldanýshylardyń pikirinen ózgeshe bolatyndyǵyn umytpaý qajet. Jýrnalısıka monıtor aldynda otyryp óz oıym dep jaza berý, qoly bos ýaqytta áńgimelesý emes. Ol shynaıy ómirmen, adamdarmen tyǵyz baılanysty.
Sonymen birge Qazaqstandaǵy aqparattyq qaýipsizdikti kúsheıtý qajet. Sondyqtan memleket Qazaqstandyq BAQ-ty da durystap qarjylandyrýǵa mindetti.
Ideologıalyq máselelerdi sheshýge Marat Tájın sekildi tájirıbeli mamandy taǵaıyndaǵany úshin qýanyshtymyn. Ol ózindik ereksheligimen kózge túsetin, senimdi jáne sendire biletin, óz ıdeıalaryn ómirde iske asyra alatyn jan. Sondyqtan men onyń BAQ-qa qatysty túıtkildi máselelerdiń sheshimin taba alatynyna senimdimin. Oǵan qandaı kómek kerek? Eshqandaı, sebebi ol kómekke muqtaj emes. Tek kedergi jasamasa bolǵany».
Materıaldyń taqyryby ózgertilip alyndy.
Avtory: Bıgeldi Ǵabdýllın
Aýdarǵan: Ásel Óteshova
