Tuńǵyshbaı Jamanqulovtyń óz kinásin moıyndaý kezindegi vıdeosy Medeý aýdandyq soty kezinde aıǵaq retinde qoldanyldy dep habarlaıdy Qamshy AA zakon.kz silteme jasap.

Eske sala ketetin bolsaq, Tuńǵyshbaı Jamanqulovqa memlekettik qarjyny óz paıdasyna jaratty degen aıyp taǵylǵan bolatyn. Osy kúnge deıin halyqqa belgili ártis óz kinásin moıyndamaǵan edi.

«Iá, men óz kinámdi tolyq moıyndaımyn. Ózime taǵylǵan aıyptyń oryndy ekenine kýálik etemin. Bul sheshimdi óz erkimmen qabyldadym jáne de buǵan qatty ókine otyryp, qolmen istegenimdi moınymmen kóteremin.»,- deıdi ol óz moıyndaýynda.

Osyndaı jaǵdaıdy alǵash ret bastan ótkergen soń ne isterin bilmegen Tuńǵyshbaı Jamanqulov óz kinásin moıyndamaǵan.

Ol  «Fınıks» fılminiń prodúserinen óz paıdasy úshin 5-6 mln teńge suraǵan, biraq onyń sebebin aıtpaǵan. Onyń aıtýy boıynsha, ol aqshany óz úıiniń jóndeý jumystaryna jumsaǵan.

Natalá Iýdına basynda 3 mln teńge bergen, biraq ol aqsha Tuńǵyshbaı Jamanqulovtyń qajettiligine jetpeı, taǵy da 2 mln teńge alǵan.

Vıdeoda Tuńǵyshbaı Jamanqulov keltirgen zıanynyń aqysyn óteýge ýáde beredi. Sonymen birge tergeý barysynda eshkim moıyndaýǵa májbúrlemegenin, barlyǵyn óz erkimen moıyndaǵanyn aıtady.  Tuńǵyshbaı Jamanqulovtyń moıyndaý barysynda eshkim zıan keltirmegeni týraly sot-medısınalyq saraptamasy da dáleldep otyr.