AQSH prezıdenti Donald Tramp Túrkıa basshysy Rejep Erdoǵandy quttyqtaý maqsatynda qońyraý shaldy dep habarlaıdy VVS.

Prezıdent Erdoǵan óz sózinde: «Túrik tarıhynda alǵash ret halyq óte mańyzdy konstıtýsıalyq ózgeristerge daýys berip otyr. Osyǵan deıin ózgeristerdi parlament sheshetin, bul joly halyq óz kúshin kórsetti. Halyq sheshimine ózge memeleketter qurmetpen qaraıtynyna senimdimin», - dedi. Alaıda, memlekettiń opozısıalyq bóligi – Respýblıkalyq Halyq Partıasy daýysty qaıta esepten ótkizýdi talap etti.

Esterińizge salsaq, referendým konstıtýsıanyń on segiz babyna ózgertý engizý máselesi boıynsha ótken. Eger ózgeris engizilse, elde premer-mınıstr laýazymy joıylady, prezıdent vıse-prezıdentterdi, mınıstrlerdi jáne joǵary shendi ózge sheneýnikterdi óz betinshe taǵaıyndaı alady. Sondaı-aq, prezıdent sot júıesine aralasýǵa múmkindik alady, ózdiginen tótenshe jaǵdaı jarıalap, jarlyqtar shyǵara alady.

Aýdarǵan: Alına Bolatbek