Shetel murajaılaryndaǵy qazaqstandyq qundy jádigerlerdi elge qaıtarý kerek. Búgin Májiliste Qazaqstan Respýblıkasy Mádenıet jáne sport mınıstri Arystanbek Muhamedıulynyń qatysýymen ótken úkimettik saǵatta depýtat Gúlnár Yqsanova osyndaı usynys tastaǵan.

Bnews.kz-tiń jazýynsha depýtat: "Álemdegi kóptegen murajaılarda, máselen, Lývr, Brıtan murajaıy, Brıtan kitaphanasy, metropolıten-mýzeı, ermıtajda bizdiń mádenı qundylyqtarymyz bar. Qazaq handarynyń hattary, rýna jazbalarynyń eskertkishteri, qalalardyń kartalary, Kenesarynyń qylyshy, Bókeı ordasy hanynyń sýreti, Abylaı hannyń zattary sekildi jádigerler shetelde qoıylǵan. Osy eksponattardy birtindep qaıtarý boıynsha strategıalyq jumys júrgizý qajet. Bul bizdiń ulttyq ıdeıamyz bolýy tıis", - dep óz usynysyn jetkizgen.

Qamshy-aqparat