Qazaqstan mindetti áleýmettik medısınalyq saqtandyrý(MÁMS) baǵdarlamasyn engizý úshin Halyqaralyq rekonstrýksıa jáne damý bankinen $80 mln. qaryzǵa alady, dep habarlaıdy Qamshy AA.
Bul týraly Densaýlyq saqtaý mınıstri Eljan Birtanov habarlady. «QR men Halyqaralyq rekonstrýksıa jáne damý bankiniń arasyndaǵy kelisim Prezıdenttiń qaýlysymen bekitilgen. Bul kelisim Parlamenttiń quzyrynda. Alynantyn soma - $80 mln.. QR qarjylandyrý somasy - $10 mln.. Sıaqy mólsherlemesi - 2,3%, óteý merzimi - 15 jyl. Qaryz alýdyń tolyqqandy ótetin ýaqyty 30 maýsym 2021 jyl. Bul jobanyń basty maqsaty – júıeniń qoljetimdiligin kúsheıtý. Joba aıasynda biryńǵaı ulttyq densaýlyq saqtaý júıesine basymdylyqtar berilgen», - dedi Eljan Birtanov.
Onyń aıtýynsha, bul joba úsh komponentten turady: MÁMS júıesin engizýge kómek($14,68 mln.), MÁMS júıesin engizý kezinde medısınalyq qyzmet kórsetýdi kúsheıtý($5,1 mln.), «Aqparattyq-kommýnıkasıalyq monıtorıń júrgizý jáne baǵa berý», ıaǵnı jobany basqarý($9,25 mln.).
Sonymen qatar, Qazaqstannyń ár aımaǵynda dárigerlerge halyqaralyq tájirıbe jumystaryn úırenýge arnalǵan ortalyq ashylatyn bolady. Olardy jańa qurylǵylarmen qamtamasyz etip, oqytý barysynda biryńǵaı standartty júıe oılap tabylady. Jedel járdem qyzmetin kúsheıtý maqsatynda bul ortalyq jedel járdem kólikterimen qamtamasyz etiledi. Jáne densaýlyqty qorǵaý saýaldaryna jaýap beretin biryńǵaı call-ortalyqtar ashylyp, olarǵa qajetti mamandardy daıyndaý bastalady. Atalǵan qyzmetterdiń kúsheıtilýi halyqaralyq sarapshylardyń qatysýymen respýblıkalyq jáne aımaqtyq deńgeıde júrgiziletin bolady.
«Pavlodar jáne Soltústik Qazaqstan oblystarynda júıeni iske asyrý jobasy qarqyndy júrip keledi. Endi osy jobany bes oblysqa engiziledi. Júıeni 200 aýrýhanaǵa engizip, olardy qajetti qurylǵylarmen qamtamasyz etý jumystary jasalady. Sonymen qatar, adamdardy dıstansıondy rejımde qabyldaıtyn smart jobada qarastyrylýda», – dedi Densaýyq saqtaý mınıstri.
Jańa júıeni engizýge arnaıy organ jaýap beretin bolady. «Oǵan qosa, aýrýhanalar men bilim berý(kolej, ýnıversıtet) mekemeleri arasyndaǵy baılanysty kúsheıtý josparlanyp otyr. Kadr daıarlaýǵa arnalǵan klınıkalarǵa da kóp kóńil bólinýde», – dep aıaqtady sózin Eljan Birtanov.
