Janýarlardy qorǵaıtyn uıymǵa belgisiz bireý habarlasyp, Bangkoktaǵy aýdandardyń birinde janýardy adam shoshyrlyq jaǵdaıda ustap otyrǵanyn habarlaǵan.

Qutqarýshylar oqıǵa ornyna kelgende assamdyq maımyldy kórgen. Onyń aty Djo eken. 1988 jyly maımyldy adamdar asyrap alǵan.  1991 jylǵa deıin ony úı janýary sekildi ustaǵan. Alaıda ol óskennen keıin ony tar torǵa qamaǵan eken. 25 jyl boıy Djo sol tordan shyqpaǵan.

Qutqarýshylar maımyldy satyp aldy. Ony tordan alyp shyqqanda janýardyń qatty álsiregenin baıqaǵan. Ol 25 jyl boıy bir orynnan qımyldamaǵan. Sondyqtan qaıta júrip ketýi óte qıynǵa soqty. Oǵan uzaq ýaqyt qajet boldy.

Taılandta janýarlardy qorǵaıtyn uıymdy qurǵan azamat 17 jylda janýardy mundaı halge jetkenin kórmegenin aıtady.

Qazir maımyldyq jaǵdaıy túzelip keledi. Bul maımyldyń túri ortasha eseppen 35 jyl ómir súredi. Qutqarýshylar onyń janýarlarǵa tán qalypty ómir súrip úlgeredi degen senimde.