Kezdesý barysynda Qazaqstan Prezıdentine Syrtqy ister mınıstri qylmystyq ahýal jáne jergilikti polısıa qyzmetin odan ári reformalaý aıasynda qabyldanyp jatqan sharalar jóninde baıandady, sondaı-aq túzetý mekemeleriniń jaǵdaıy men Ulttyq ulannyń jumysy týraly málimdedi, dep habarlaıdy Qamshy AA Aqordanyń baspasóz qyzmetine silteme jasap.

Budan bólek, Q.Qasymov sý tasqynyna baılanysty ahýal jáne Astana men respýblıka oblystarynda tótenshe jaǵdaıdyń aldyn alý baǵytynda atqarylyp jatqan is-sharalar jaıly habardar etti.

Nursultan Nazarbaev eldegi qylmyspen kúresti kúsheıtý jáne quqyqtyq tártipti qamtamasyz etý úshin sharalar qabyldaý qajettigine nazar aýdardy.

Sondaı-aq, Elbasy sý tasqynynan zardap shekken barlyq óńirlerdiń jaǵdaıy men tirshiligin qalpyna keltirý úshin keshendi is-qımyldardy júzege asyrýdy tapsyrdy.

Kezdesý qorytyndysy boıynsha Memleket basshysy birqatar naqty tapsyrma berdi.