Reseıdiń Krasnodar, Tomsk jáne Novosıbırsk qalalarynyń basshylyǵy 29 sáýir kúni «Otkrytaıa Rossıa» qozǵalysynyń «Nadoel» dep atalatyn aksıasyn ótkizýge ruqsat berdi, dep habarlaıdy, Qamshy AA Azattyq radıosyna silteme jasaı otyryp.

Aksıaǵa qatysýshylar prezıdent Vladımır Pýtınnen aldaǵy prezıdent saılaýyna qatyspaýdy suramaq.

Krasnodarda mıtıń Pobeda alańynda ótedi. Uıymdastyrýshylar budan soń sherý ótkizbek bolǵan. Biraq bılik oǵan ruqsat bermegen. Tomskide aksıa Novo-Sobornaıa alańynda ótetinin boldy. Al Novosıbırsk bıligi aksıa ótkizýge ruqsat bergenin, biraq ony alańda emes, kınoteatrǵa aýystyrǵanyn habarlady.

Keshe Máskeý merıasy da «Otkrytaıa Rossıa» qozǵalysynyń aksıasyn ótkizýge ruqsat bergeni, biraq uıymdastyrýshylarǵa ony Saharov dańǵylynda ótkizýdi usynǵany belgili bolǵan. Al Peterbor bıligi aksıaǵa ruqsat bermegen.

29 sáýirde ótetin «Nadoel» aksıasynyń qalaı ótetini ótken senbide belgili bolǵan. RBK agenttiginiń aqparatyna qaraǵanda, aksıalarda Reseı boıynsha Vladımır Pýtın ákimshiligine prezıdentti 2018 jyly ótetin saılaýǵa kandıdatýrasyn usynbaýǵa shaqyratyn úndeýler joldaý josparlanyp otyr.