21 sáýirden bastap «Qazaqstan» Ulttyq telearnasynda «Parasat maıdany» atty jańa jobanyń tusaýkeseri ótedi dep habarlaıdy Qamshy AA kaztrk.kz-ke silteme jasap.

Bul joba mádenıet, ǵylym, óner jáne ádebıet salalaryndaǵy bilikti mamandardyń pikirsaıysyn ortaǵa salmaq.  Ár saladaǵy aǵa býyn men jas býyn ókilin stýdıaǵa shaqyryp, baı tájirıbe men qazirgi zaman jańashyldyǵyn salystyryp  qyzý talqylaıtyn bolady.

Sondaı-aq, qazirgi qoǵamnyń damý baǵytyna, bolyp jatqan jańalyqtar men ózgeristerge rýhanıat ókilderiniń tórelik aıtý bedelin qalyptastyrý, jan-jaqty  bilimdi, álemniń úzdik tájirıbesin ıgergen, jańa oılaý úrdisindegi azamattardyń tulǵalyq portretin nasıhattaýdy maqsat tutady. 

Baǵdarlamany belgili jýrnalıs Darhan Ábdik júrgizetin bolady. Ár habarǵa 2 keıipker qatysady.  Júrgizýshi suraqtardy qonaqtardyń buryn-sońdy aıtyp júrgen batyl oılary, tyń pikirleri tóńireginde órbitedi. Ortaǵa salynǵan oı-pikirden kórermen óz izdegenin taýyp, suraqtaryna jaýap alýy kerek.

21 sáýirden bastap, 23:45-te «Qazaqstan» Ulttyq telearnasynan  «Parasat maıdany» baǵdarlamasyn ótkizip almańyzdar!