Ana bolý – úlken baqyt. Iá, ár qyz balanyń dúnıege kelýdegi maqsaty – ana atanyp, dúnıege urpaq ákelý, al ana atanǵan soń áıeldiń mindetteri kóbeıedi. Bala densaýlyǵy, qarnynyń toqtyǵy, aman-esendigi, tárbıesi. Ana jaýapkershiligi bunymen ǵana shektelip qalmaıdy.
Densaýlyǵynyń myǵym bolyp ósip-jetilýi úshin balaǵa ana sútinen artyq paıdaly azyq tabylmas. Ár ana óz sútin balasynyń boıyna darytyp, ystyq mahabbatyn bildiredi, al ana mahabbaty álemdegi sezimderdiń eń bıigi. Ystyq sezimdi balasyna tógý de bir ǵanıbet!
Solaı bola tura, ǵanıbetti sezinbeı ketetin analar da jetip artylady. Óz balasynan baz keship, ana bolyp jarytpaǵandardyń azaby da aýyr bolmaq.
