Zımbabvede tótenshe jaǵdaı boldy. Eki qoltyraýynnan adam denesiniń qaldyqtary tabylǵan. Ol joǵalyp ketken kásibı ańshy Skott van Zıl bolýy múmkin. Er adam ótken aptada iztússiz joǵalyp ketken dep habarlaıdy Qamshy AA strana.ua-ǵa silteme jasap.

Ańshy áriptesimen jáne birneshe ıtpen ańshylyqqa kólikpen barǵan. Olar bir ýaqytta eki jaqa ketken. Sodan beri van Zılany eshkim kórmegen. Itter  lagerge oralǵan. Al ańshynyń kıimderi kólikte qalǵan.

Qutqarýshylar men súńgýirler izdestirý jumystaryn júrgizdi. Tikushaqpen de van Zılany izdestirgen. Lımpopa ózeniniń jaǵasynan van Zılanyń sómkesin tapqan. Ózenge jaqyn jerde júrgen eki qoltyraýyndy qutqarýshylar óltirip, ishinen adam denesine uqsas qaldyqtardy tapty.

Tabylǵan dene qaldyqtary van Zılaniki me álde basqaǵa tıesili me sony anyqtaý úshin qazir medısınalyq saraptama júrgizilip jatyr.