Hımıalyq qarýǵa qarsy uıym sáýirdiń basynda Idlıb provınsıasynda bolǵan shabýylda zarın men júıke-júıesine áser etetin hımıalyq zattar qoldanylǵan degen sheshimge keldi, dep jazady Qamshy aqparattyq agenttigi.

«4 sáýirde bolǵan áýe shabýylynyń saldarynan kemi 87 adam kóz jumǵan. Shabýyl qurbandary bolǵan 10 adamnan synamalar alynyp, tórt zerthanada zerttelgen», - dedi Hımıalyq qarýǵa tyıym salý uıymynyń jetekshisi Ahmet Úzimji.

Jergilikti BAQ-tyń habarlaýynsha, synamalar qaza tapqan 3 adamnan jáne jaraqattanǵan 7 adamnan alyndy. Zertteý nátıejesinde mamandar zarın nemese zarınge uqsas hımıalyq zattyń qoldanylǵanyn anyqtaǵan. Atalymsh uıym ókili endi zardap shekken qalaǵa baryp, zertteý jumystaryn jalǵasytrmaq oıda. Synamalar ázirge tek zardap shekkenderden alynyp jatyr. Áýe shabýylynan keıin turǵyndardyń tynysy tarylyp, tunshyǵa bastaǵan. Keıbiriniń kóz qarashyǵy kishireıip, balalardiki úlkeıip ketken.

Eske sala ketıik, 4 sáýirde Sırıanyń soltústik-batysyndaǵy Idlıb provınsıasynyń kóterilisshiler baqylaıtyn Han-SHeıhýn qalasynda hımıalyq shabýyl jasalǵan.

Kúndizgi ýaqytta Han-SHeıhýn qalasynda bombalaý bolǵan edi. Áýe soqqysynan keıin Jer betindegi adamdar tunshyǵa bastaǵan.

Opozısıa belsendileri ushaqtar zymyrandaryn aýyr haldegi adamdar emdelip jatqan jergilikti aýrýhanaǵa qulatqan deıdi. Sırıa áskeri ózderin hımıalyq shabýylǵa qatysy joq ekenderin alǵa tartqan. Reseı áskeri Sırıa avıasıasynyń terrorısterdiń hımıalyq qarý jaraqtary saqtalǵan úlken qoımasyna soqqy jasaǵanyn aıtty..

Al sáýirdiń 6-synan 7-sine qaraǵan túni AQSH Sırıanyń Idlıb provınsıasyna jasalǵan hımıalyq shabýylǵa jaýap retinde Sırıanyń áýe bazasyn zymyranmen atqylady.

BAQ-tyń habarlaýynsha, bul shabýyl Idlıb provınsıasyndaǵy beıbit turǵyndarǵa qarsy hımıalyq shabýyldy qoldanǵan Sırıany jazalaý maqsatynda oryn alǵan. Sırıanyń áýe bazasyn 60-tan astam «Tomogavk» zymyrandarymen atqylanǵan.