Amerıkandyq neırobıologtar adamnyń kindik qanynda bolatyn aqýyzdardyń jasartatyn qasıeti bar ekenin anyqtaǵan.

Bul tájirıbeni zertteýshiler tyshqandarǵa qoldanǵan. Kindikte bolatyn qandaǵy aqýyzdar kári tyshqandardy jasartqany dáleldengen. Bul týraly Qamshy AA   lenta.ru-ǵa silteme jasap habarlaıdy.

Bul zertteý týraly Nature jýrnaly materıal jarıalaǵan. Atalǵan zertteý Stenford ýnıversıtetinde júrgizilgen.

Kindik qanynyń quramyndaǵy  aqýyzdar – qartaıǵan tyshqandardyń kognıtıvtilik qasıetterin jaqsartqan. Ony zertteýshiler tyshqandar mıyna  júrgizilgen jadyǵa qatysty jattyǵýlardan soń ańǵarǵan.

Zertteýshilerdiń pikirinshe, atalǵan aqýyz qartaıǵan adamdardyń da mıyn, jadysyn, kongnıtıvti qabiletterin qaıta qalpyna keltirip, jetildirýge úlesin tıgizýi yqtımal. Osyǵan oraı, aqýyzdar quramynda bar  preparattardy jasaý kári adamdy belgili-bir turǵyda jasartýǵa múmkindik berýi ábden múmkin.