Jambyl oblysynda asa iri kólemde geroın tárkilendi dep habarlaıdy Qamshy AA khabar.kz-ke silteme jasap.

Oqıǵa Almaty – Ekaterınbýrg avtojolynyń 428-shaqyrymynda bolǵan.

Polıseıler aldyn ala túsken jedel aqpar boıynsha Toyota avtokóligin toqtatqan. Tekseris barysynda qaptamaǵa salynǵan 2 keli 80 gram esirtki tárkilendi. Kólik tizgininde Almaty oblysynyń 32 jastaǵy turǵyny otyrǵan. Al onyń janynda buryn sottalǵan 65 jastaǵy qaraǵandylyq azamat bolǵan. Kúdiktiler qamaýǵa alynyp, qylmystyq is qozǵaldy.

Gúlsara Muhtarqulova, oblystyq İİD baspasóz hatshysy: - Esirtkige qarsy kúres únemi qatań baqylaýda. Sonyń nátıjesinde jaqynda ǵana uzaq ýaqyttan beri esirtki satýmen aınalysyp kelgen uıymdasqan qylmystyq top ustaldy. Al osy joly da ustalǵandardyń bireýi buryn týra osylaı esirtki satyp, ony saqtaǵany úshin isti bolǵan. Jyl basynan beri esirtkige qatysty 286 derek tirkelip, 114 qylmystyq is qozǵaldy. Nátıjesinde jalpy kólemi jarty tonnadan astam esirtki zaty tárkilendi