2017 jylǵy 31 naýryzdaǵy «Ózbekstan Respýblıkasynyń aldaǵy ýaqyttaǵy syrtqy ekonomıkalyq jumysyn retteý sharalary týraly» qaýlysyna sáıkes, 2017 jyldyń 1 sáýirinen bastap Ózbekstan ımporttyq aýylsharýashylyǵy ónimderine aksızdik salyqty tómendetti dep habarlaıdy Qamshy AA QR ASHM baspasóz qyzmetine silteme jasaı otyryp.
Qabyldanǵan sharalar Ózbekstan Respýblıkasy Prezıdentiniń aǵymdaǵy jyldyń naýryz aıyndaǵy Qazaqstanǵa resmı saparynyń jemisi bolyp tabylady.
Aýyl sharýashylyǵy ónimderin óndiretin qazaqstandyqtar úshin Ózbekstan naryǵyna shyǵýǵa qolaıly jaǵdaı jasaldy.
Makaron ónimderine aksızdik salyq joıyldy (buryn 30 jáne 50% bolatyn).
Ózbekstanǵa tasymaldanatyn aýylsharýashylyq ónimderine aksızdik salyq tómendedi:
- 55% bıdaı unyna (11-den 5%-ǵa deıin);
- maqsary men kúnbaǵys maıyna 2 ese; (20-dan 10%-ǵa deıin);
- sirke sýy qosylmaǵan konservilengen kókónisterge 5 ese (50-den 10%-ǵa deıin);
- jemis jáne kókónis shyryndaryna 2,3 ese (70-ten 30%-ǵa deıin);
- daıyn tuzdyq pen tuzdyq daıyndaýǵa 2,8 ese ( 70-ten 25%-ke deıin, qyzanaq kechýby men maıonezden basqa);
2016 jyly Ózbekstanǵa Qazaqstannan eksorttalǵan aýyl sharýashylyǵy ónimderi 426,9 mln.doll. qurady (90 taýarlyq tizbek boıynsha).
Sonymen qatar, ótken jyly Qazaqstan Ózbekstanǵa 1725,2 myń tonna bıdaı, 4,7 mln tonna un, 96 myń tonna kúnbaǵys tuqymyn, 10,2 myń tonna ósimdik maıyn jáne 51 myń tonna kartopty eksportqa shyǵardy.
