Bul týraly Parlament Májilisiniń Áleýmettik-mádenı damý komıtetiniń keńeıtilgen otyrysynda "Jastar" ǵylymı-zertteý ortalyǵynyń dırektory Janar Buqanova málimdegen.  Málimetke saı Dúnıejúzilik densaýlyq saqtaý uıymynyń jáne IýNISEF derekterine sáıkes, Qazaqstan sýısıd jıiligi júz myń adamǵa shaqqanda 15 oqıǵa quraıtyn elderdiń qataryna kiredi. Qazaqstanda óz-ózine qol jumsaý faktileri, kóbinese 15-19 jas aralyǵyndaǵy bozbalalar men boıjetkender arasynda kezdesedi.

Nur.kz saıtynda jazylǵan aqparatqa saı, 2012-2013-jyldary Qazaqstan bozbalalar ólimi boıynsha ekinshi orynda, al boıjetkender ólimi boıynsha - birinshi orynda bolǵan.

"Qazaqstanda 15-19 jas aralyǵyndaǵy 31 myńnan astam jasóspirim ózine-ózi qol salý saldarynan ajalynan buryn ólgen. Búginde osy jastaǵy boıjetkender men bozbalalar arasyndaǵy sýısıd Túrkıa men Qazaqstanda jıi kezdesedi. Qaıǵyly oqıǵalardyń kóp jaǵdaılary balalardyń alkogóldik ishimdikterdi tutynyp, nashaqorlyqqa berilýinen bolyp jatady", - dep málimdegen Janar Buqanova óz sózinde. Qamshy-aqparat