Búgin Bekturǵanovtyń osy bastamasyn ózge partıalastary da qoldap, baspasóz májilisin ótkizdi. Atap aıtqanda, QKP uıymdastyrý bóliminiń basshysy Kosáchenko Vladımır Vasılevıch pen QKP OK-nyń burynǵy múshesi Ismaılov Mádel Muhamedıuly jýrnalısermen kezdesip, óz shyndyqtaryn ortaǵa jaıyp saldy.

«Qazaqstandaǵy kompartıa qurylǵan kezden beri onda ıdeologıamen eshkim aınalysqan joq. Oblystyq, qalalyq fılıaldardyń eshqaısysy partıa múshelerin esepke alý máselesine pysqyryp ta qaramady. Sonyń saldarynan qazir qaı óńirde qansha komýnıs baryn naqty eshkim aıta almaıdy. Keıbir bólimshelerde nebári 2-3 adamnan ǵana bar. Al, Semeıdegi partıanyń komıtetinde jalǵyz adam jumys istep keledi, ol – Mahyjanov. Bul aýyzbirshiliktiń joǵynan. Munyń sońy Qazaqstandaǵy kompartıanyń tolyq ydyraýyna alyp kelýi ábden múmkin» deıdi Vladımır Kosáchenko.

Ol partıa jetekshisi Ǵ.Aldamjarovqa ornyn bosatýdy talap etip, jańa basshylyqty óńirlerdegi partıalastarymen aqyldasa otyryp taǵaıyndaý usynyp otyr.

Abai.kz