Ánshi Sáken Maıǵazıev óziniń Facebook-tegi paraqshasynda bylaı dep jazba jarıalady:
«SÚIİNSHİ..emes, biraq JAQSY jańalyq! Qoldy qozadaı qyzdyrǵan Qurmanǵazy - Pýshkın súıisinen ónim jasaǵan jarnama agenttigine qatysty Almatydaǵy sot aıaqtaldy. Shúkir eterimiz, kópke sozbady. Qynjylarymyz, tek "Jarnama týraly" Zań boıynsha áreket etti. Túıini - prokýror jarnama agenttigine 120 AEK, al basshysy Darıa Hamıtjanovaǵa 80 AEK aıyppul salýdy surady. Biraq, sot jarnama agenttigine 100 AEK, al basshysyna 70 AEK aıyppul saldy. Bul da bolsyn jeńis! Osy isti aıaǵyna deıin jetkizgen Rýslan Jeldibaı, Baqytjan Buharbaı, Nurken Halyqbergen, Jaqyp Fedorov sekildi dostaryma alǵys aıtamyn!
Onyń ústine búgin Parlament Májilisi depýtaty Baqytbek Smaǵul aǵamyz Úkimetke saýal joldaýy tıis. Joldaıtynyna da senemin! Gomoseksýalızmdi nasıhattaýǵa tıym salatyn zań kerek!»
Esterińizde bolsa tamyz aıynda Almaty kósheleriniń birinde ilingen ultty qorlaǵan jarnama jurttyń narazylyǵyn týdyrǵan edi. Bir top belsendi jýrnalısermen qatar Óktem Altaev, Sáken Maıǵazıev, Maqsat Rahmet, Asylhan Tólepov, Artýr Tólepov, Erlan Alımov sıaqty ánshiler jarnama jasaýshy Havas Worldwide Kazakhstan kompanıasy aldyna jınalyp azamattyq pikirlerin bildirgen bolatyn.
Ánshi Sáken Maıǵazıev kóp arasynan sýyrylyp shyǵyp, jurtty bundaı keleńsiz nárselerge qarsy bolýǵa úndegen edi. Sondaı-aq: «Bundaı ońbaǵandar durys jolmen, zańǵa baǵynyp jarnamasyn joq etpese, bizdi tyńdaıtyn er júrekti azamattardyń «qylmysqa barýyna» týra keledi» degen bolatyn.
Qoǵamnyń dúrligýinen ımenip, jarnama alynyp tastalsa da, bundaı bassyzdyq oqıǵalardyń endi qaıtalanbaıtynyna esh kepildik joq. Sebebi bul tıptegi óreskel isterdiń el ishinde nasıhattalýyna zań aıasynda kedergi joq. Tipti, Janar Sekeraeva sıaqty azamatshalar birjynysty qatynas isin aqtap, ondaı áreketpen aınalysatyndarǵa qoldaý kórsetý kerek dep shyr-pyr bolyp júr. Úkimet Baqytbek Smaǵul usynatyn zańdy tıisinshe pármen bere qaraıdy ári tezdetip qabyldaıdy dep senemiz. Sonymen qatar áshkere jáne jasyryn júrip jatqan Gomoseksýalızm jarnamalaryna, jarnamalaýshylar men jarnama berýshilerge qatań tyıym salady dep úmit artamyz.
