SHQO-da jalǵa alynyp, ıgerilmegen 63,3 myń ga jer aýmaǵy anyqtalǵan dep habarlaıdy Qamshy AA SHQO aqparattyq ortalyǵyna silteme jasaı otyryp. Atalmysh jaıtqa baılanysty sotqa 88 talap-aryz jiberilip, 60 myńnan astam ga aýmaq qaıtadan memleket menshigine qaıtaryldy.  

SHQO Jerdiń paıdalanylýy men qorǵalýyn baqylaý basqarmasy basshysynyń m.a. Meıirjan Áshimhanovtyń aıtýynsha, 88 talap aryzdyń 16-sy qanaǵattandyrylyp, 2 is áli qaraýda jatsa, kásipkerler jiberilgen zańbuzýshylyq áreketti jedel túzetkendikten, 70 aryzǵa qatysty tergeý amaly toqtatylǵan.

 – Memleketten 76 myń ga jerdi jalǵa alyp, qoldanbaǵany úshin «Bátýá», «Mánfaǵat» jáne «Yrǵyn» JSHS-terinen 60 myń ga jer aýmaǵy memlekettiń menshigine qaıtaryldy, – dedi Meıirjan Áshimhanov.

 Sondaı-aq, Alakól, Sibe kólderiniń jaǵalaýynda qoldanylmaǵan 361 jer telimi anyqtalǵan. Ádilet organdary jasaǵan eskertýden keıin bir jyl kóleminde jer telimi qoldanylmasa, ony memleketke qaıtarý boıynsha shara qoldanylmaq